თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული ერთ-ერთი ახალი პაციენტი 10 წლის ბავშვია.

როგორც ეზუგბაიამ აღნიშნა, ვირუსით ინფიცირებული მეორე პაციენტის მოგზაურობის ისტორია სომხეთთანაა დაკავშირებული.

„დღეს დილიდან დაგვემატა ორი ახალი შემთხვევა. 1 შემთხვევა უკვე ჩვენთან შემოყვანილია. ეს არის იმპორტული, შემოტანილი შემთხვევა სომხეთიდან. მისი მდგომარეობა ჯერჯერობით არ არის მძიმე. ახლა კეთდება კლინიკურ-ლაბორატორიული გამოკვლევები, შეფასდება მისი მდგომარეობა და ხვალ მოგახსენებთ. მეორე დადასტურებული პაციენტი გადმოჰყავთ ახლა ბათუმიდან. ეს არის 10 წლის ბავშვი თავის მშობელთან ერთად. მისი ისტორია ჩემთვის არა არის ცნობილი. როდესაც მივიღებ პაციენტს, მაშინ გახდება ჩემთვის ცნობილი ისტორია და ვილაპარაკებ. მშობელს კორონავირუსი არ უფიქსირდება, მხოლოდ ბავშვს აქვს დადებითი მაჩვენებელი. ალბათ ერთად იყვნენ, მაგრამ ამ ეტაპზე მხოლოდ ბავშვი არის დადასტურებული კორონავირუსული ინფექციით. შესაძლებელია დედასთან მომავალში დადასტურდეს ან არ დადასტურდეს“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის