ჯანდაცვის მინისტრის ინფორმაციით, კორონავირუსით ინფიცირებული ოთხი ახალი პაციენტიდან 2 ინფექციურ საავადმყოფოშია მოთავსებული, ორი კი პირველ საუნივერსიტეტო კლინიკაში.

მინისტრის თქმით, ამ დროისთვის მათი ჯანმრთელობის მდგომარეობა სტაბილურია.

როგორც ეკატერინე ტიკარაძემ მთავრობის ადმინისტრაციაში უწყებათაშორისო საკოორდინაციო საბჭოს სხდომის დასრულებისას აღნიშნა, ცნობილია, თუ რომელი კლასტერიდან არიან აღნიშნული პაციენტები, რაც კარგი ფაქტია.

„დღეისათვის, როგორც იცით, დაგვიფიქსირდა კიდევ დამატებით ოთხი შემთხვევა. ამ ფაქტს აქვს ერთი დადებითი მხარე ის, რომ ჩვენ კვლავ ვიცით, თუ რომელი კლასტერიდან არიან ეს პაციენტები“ ,- აღნიშნა ტიკარაძემ.

ტიკარაძის განცხადებით, ოთხი ახალი ინფიცირებულიდან ორი პაციენტი ინფექციურ საავადმყოფოში, ორი კი პირველ საუნივერსიტეტო კლინიკაში იმყოფება.

მოხდა სიმპტომების გამოვლენა და შემდგომ უკვე ლუგარის ლაბორატორიის მიერ დადასტურება, რომ ისინი არიან კორონავირუსის მატარებლები. 38 -ე პაციენტი, უფრო სწორედ ერთი პაციენტი, რომელიც ჩვენ გვყავდა კორონავირუსით, მისი მდგომარეობა სტაბილურია, და რეციდივი ამ ეტაპისთვის გამოვლენილი არ არის. ის კვლავ აგრძელებს თვითიზოლაციაში ყოფნას და იმყოფება ექიმების მეთვალყურეობის ქვეშ. სამი პაციენტი, რომლის მდგომარეობაც შედარებით ყურადსაღებია, მათი მდგომარეობაც არის სტაბილური. ჩვენ გვაქვს ამ შემთხევვაშიც დამაიმედებელი პროგნოზი, რამდენიმე დღეში გვეცოდინება უფრო მეტი დეტალი მათი ჯანმრთელობის შესახებ“ ,- განაცხადა ეკატერინე ტიკარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა