2020-03-03 10:31:11, 2014 ნახვა

---

საქართველოს შემდეგ, პუტინი აპირებს კონსტიტუციაში ქორწინება კაცისა და ქალის კავშირად განსაზღვროს

რუსეთის პრეზიდენტი ვლადიმერ პუტინი კონსტიტუციაში ცვლილებების შეტანას აპირებს, კერძოდ, სხვა საკითხებთან ერთად ქორწინება კაცისა და ქალის კავშირად განსაზღვროს.

როგორც „მედუზა“ იუწყება, აღნიშნული დოკუმენტი, რომლითაც კონსტიტუციაში შესწორებები შედის, პუტინმა უკვე გადაუგზავნა მთავრობას. 

„რუსეთის ფედერაცია, რომელიც აერთიანებს ათასობით ისტორიას, ინახავს წინაპრების მოგონებებს, მათ მიერ გადმოცემულ იდეალებსა და ღვთის რწმენას“, - წერია დოკუმენტში, რომელიც ჟურნალისტებს სახელმწიფო დუმის სპიკერმა გააცნო.

ამავე შეხვედრაზე, პუტინი ერთსქესიან ადამიანთა ქორწინების წინააღმდეგ გამოვიდა.

„რაც შეეხება „მშობელ №1-სა“ და „მშობელ №2 – მე ადრეც ვთქვი და კიდევ გავიმეორებ, სანამ მე პრეზიდენტი ვარ, ჩვენ არ გვეყოლება „პირველი და მეორე“ მშობელი – არამედ გვეყოლება – დედა და მამა,“ - განაცხადა პუტინმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი