ფინანსთა სამინისტროს შემოსავლების სამსახურის უფროსმა  ლევან კაკავამ საქართველოს ბიზნეს ასოციაციის (BAG )  წარმომადგენლებთან პირველი სამუშაო შეხვედრა გამართა. შეხვედრაზე შემოსავლების სამსახურის ხელმძღვანელმა უწყებაში არსებულ გამოწვევებსა და დაგეგმილ სიახლეებზე ისაუბრა.

ლევან კაკავამ აღნიშნა, რომ შემოსავლების სამსახურის უმთავრეს ღირებულებებს, უწყების გამჭვირვალობა და ბიზნესთან პარტნიორობა წარმოადგენს.  მისი თქმით:  შემოსავლების სამსახური მზად არის განახორციელოს ბიზნესთან პირდაპირი კომუნიკაცია და თანამშრომლობის გზით, დროულად განახორციელოს სხვადასხვა სახის მნიშვნელოვანი საკითხების მოგვარება.

,,ამასთან, მინდა ავღნიშნო რომ გადასახადის გადამხდელთა უმეტესობა, ნებაყოფლობით იხდის კუთვნილ გადასახადს,  ასრულებს კანონით გათვალისწინებულ პირობებს  და თავისი წვლილი შეაქვს ქვეყნის განვითარების საქმეში, თუმცა ყოველთვის არსებობენ პირები, რომლებიც შეგნებულად, განზრახ არ ასრულებენ საგადასახადო ვალდებულებებს.  სამართლიანობის პრინციპზე დამყარებული ადმინისტრირება კი იქნება არაჯანსაღი კონკურენციისგან ბიზნესის დაცვის მყარი გარანტი და გამონაკლისის გარეშე, ყველა გადამხდელს თანაბარ პირობებში ჩააყენებს“, - განაცხადა შემოსავლების სამსახურის უფროსმა.

შეხვედრას, რომელსაც ფინანსთა მინისტრის მოადგილე ზურაბ ძნელაშვილი, ფინანსთა სამინისტროს საგადასახადო და საბაჟო პოლიტიკის დეპარტამენტის უფროსი  მამუკა ბარათაშვილი, შემოსავლების სამსახურის რეფორმებისა და დაგეგმვის დეპარტამენტის უფროსი სოფიო არჯევანიძე, საქართველოს ბიზნეს ასოციაციის პრეზიდენტი სამსონ ფხაკაძე, ასოციაციის აღმასრულებელი დირექტორი ლევან ვეფხვაძე, ასოციაციის კომიტეტებისა და წევრი კომპანიების ხელმძღვანელი პირები ესწრებოდნენ დიალოგის რეჟიმში წარიმართა და ბიზნესსექტორის წარმომადგენლებს შესაძლებლობა მიეცათ მათთვის საინტერესო კითხვებზე ამომწურავი პასუხები მიეღოთ.

დასასრულს, ლევან კაკავამ შემოსავლების სამსახურის სახელით მადლობა გადაუხადა შეხვედრის მონაწილეებს და აღნიშნა, რომ ბიზნესთან დიალოგი მომავალშიც აქტიურად გაგრძელდება.

ავტორი: NS (სტატია დაფინანსებულია),

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში