"თელასის" სატარიფო განაცხადზე გადაწყვეტილების მიღების ბოლო ვადად 18 დეკემბერი განისაზღვრა.

აღნიშნული გადაწყვეტილება ენერგეტიკისა და წყალმომარაგების მარეგულირებელი ეროვნული კომისიის დღევანდელ სხდომაზე იქნა მიღებული, სადაც "თელასის" სატარიფო განაცხადზე საჯარო ადმინისტრაციული წარმოების დაწყების თაობაზე იმსჯელეს.

სხდომაზე მიღებული გადაწყვეტილებით, სს „თელასის“ სატარიფო განაცხადთან დაკავშირებით წარმოება დაიწყო.

კერძოდ, კომისიამ დააკმაყოფილა ტარიფებისა და ეკონომიკური ანალიზის დეპარტამენტის მიერ წარმოდგენილი პროექტი „საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 4 დეკემბრის #33 დადგენილებაში ცვლილებების შეტანის შესახებ“ ნორმატიულ-ადმინისტრაციული აქტის გამოსაცემად საჯარო ადმინისტრაციული წარმოების დაწყების შესახებ“. კომისიის გადაწყვეტილებით, წინადადებებისა და შენიშვნების წარმოდგენის ბოლო ვადად განისაზღვრა მიმდინარე წლის 31 აგვისტო, ხოლო დადგენილების გამოცემის ბოლო ვადად - მიმდინარე წლის 18 დეკემბერი.

გარდა ამისა, კომისიამ ნაწილობრივ დააკმაყოფილა სს „თელასის“ მოთხოვნა წარმოდგენილი ინფორმაციის კომერციულ საიდუმლოებად ცნობის თაობაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია