„მინდა დაგარწმუნოთ, რომ საქართველო აგრძელებს თავისი დემოკრატიის და ინსტიტუტების გაძლიერებას, ასევე, ამერიკული ინვესტიციები საქართველოში არის დაცული“, - ასე გამოეხმაურა პარლამენტის თავმჯდომარე არჩილ თალაკვაძე კონგრესმენების კრიტიკას.

მან ხაზგასმით აღნიშნა, რომ  ჩვენს ქვეყანას აშშ-ში აქვს დიდი მხარდაჭერა და ბევრი მიმართულებით საქართველოს  მიმართ ინტერესი, ოპტიმიზმი და ნდობა - მაღალია.

„რაც შეეხება კონგრესმენების მიერ დასმულ კითხვებს, რაც ასევე მათ წერილებში იყო ასახული, გვქონდა დეტალური საუბარი თითოეულ საკითხთან დაკავშირებით და მინდა დაგარწმუნოთ, რომ საქართველო აგრძელებს თავისი დემოკრატიის და ინსტიტუტების გაძლიერებას, ასევე, ამერიკული ინვესტიციები საქართველოში არის დაცული. ამას ადასტურებს ბოლო მნიშვნელოვანი საინვესტიციო გადაწყვეტილებები, მათ შორის ამერიკული  კორპორაცია „Trammo"-ს მსხვილი ინვესტიცია ბათუმის პორტში. მე კიდევ ერთხელ დავუდასტურე ჩვენს ამერიკელ კოლეგებს, რომ ნებისმიერ შემთხვევაში, რა მოდელიც არ უნდა იყოს შერჩეული, საპარლამენტო არჩევნები ჩატარდება დემოკრატიულად, თავისუფლად და გამჭვირვალედ", - განაცხადა არჩილ თალაკვაძემ.​

ცნობისთვის, გუშინ აშშ-ს კონგრესმენმა, ენდი ვებერმა საქართველოს პრემიერ მინისტრს გიორგი გახარიას მორიგი კრიტიკული წერილი მისწერა, სადაც ნათქვამი იყო, რომ საქართველოში აშშ-ს ინვესტიციები შემცირებულია და სახელმწიფო ინსტიტუტებზე კონტროლი დაუსაბუთებლად ხორციელდება.

ავტორი: ექსპრესნიუსი,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს