„„ქართულ ოცნებას“ დიალოგი არ უნდა შეთანხმებისთვის, უნდა დასავლელ პარტნიორებს აჩვენოს რომ ვლაპარაკობთ“, - ასე ეხმაურება „ევროპული საქართველოს“ წევრი აკაკი ბობოხიძე უმრავლესობის ლიდერის, მამუკა მდინარაძის განცხადებას.

მისი თქმით, „ქართულ ოცნებასთან“ დიალოგი მათივე ინიციატივით დასრულდა.

„მოლაპარაკებები ჩაშალა „ქართულმა ოცნებამ“. მას მოლაპარაკებები და დიალოგი არ უნდა შეთანხმებისთვის. მას დიალოგი უნდა მხოლოდ იმისთვის, რომ დასავლელ პარტნიორებს აჩვენოს რომ ვლაპარაკობთ. ბუნებრივია, ამ ფუფუნების საშუალებას ჩვენ „ქართულ ოცნებას“ ვერ მივცემთ. „ქართულ ოცნებასთან“ დიალოგი დასრულებულია მათი ინიციატივით და ჩვენ გადავედით სხვა რეჟიმში. ამ რეჟიმში არსებული საარჩევნო სისტემის ფარგლებში „ქართული ოცნება“ როგორც პოლიტიკური პარტია არამარტო უნდა დავამარცხოთ, არამედ ზოგადად, უნდა გავანადგუროთ როგორც ჭირი ქართული სახელმწიფოსთვის“, - განაცხადა აკაკი ბობოხიძემ.

შეგახსენებთ, რომ უმრავლესობის ლიდერმა მამუკა მდინარაძემ ფრაქცია „ქართული ოცნების“ ცენტრალურ ოფისში ბრიფინგი გამართა, რომელზეც ოპონენტებს კვლავ მოლაპარაკებებისაკენ მოუწოდა.

ავტორი: ექსპრესნიუსი,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს