პარლამენტის ვიცე სპიკერი მამუკა მდინარაძე აცხადებს, რომ საერთაშორისო პარტნიორების კრიტიკა არარეალურ ფაქტებზე იყო დაფუძნებული, რასაც მოწმობს პოზიტიური განცხადებები, რომლებიც პარტნიორებმა აშშ-ში, საქართველოს პარლამენტის თავმჯდომარის ვიზიტისას გააკეთეს.

მდინარაძის თქმით, „ქართული ოცნება“ არანაირი საფრთხის წინაშე არ დგას და გამონაკლისი განცხადებების გამო, პარტნიორებთან ურთიერთობა არ გაუფუჭდება.

„ჩვენ ვნახეთ, გარკვეული პერიოდის წინ კრიტიკა, რომელიც დაფუძნებული აღმოჩნდა, რომ არარეალურ ფაქტებზე და არასწორად მიწოდებულ ინფორმაციებზე დაყრდნობით იყო გაკეთებული. ამის შემდეგ, როდესაც ვიზიტი შედგა აშშ-ში პარლამენტის თავმჯდომარის ხელმძღვანელობით, მაშინაც ვნახეთ განცხადებები, რომლებიც აბსოლუტურად პოზიტიური და მხარდამჭერი იყო. როგორც ჩანს, საგარეო ფლანგზე ბრძოლის ასეთი რეჟიმი გვექნება, ჩვენ ამას ვეგუებით, მაგრამ საბოლოო ჯამში მთავარია, რომ ჩვენ არანაირი საფრთხის წინაშე არ ვდგავართ, რომ ურთიერთობები გაგვიჭირდეს ამ გამონაკლისი განცხადებების გამო ჩვენ პარტნიორებთან“, - განაცხადა მამუკა მდინარაძემ.

მანვე დასძინა, რომ კონგრესმენების კრიტიკა უგულავას დაკავებასთან დაკავშირებით უნდა განიხილონ სტრასბურგში და არა საქართველოში.

„ჩვენ სასამართლოს საქმიანობაში ვერ ჩავერევით. თუ ვინმეს მიაჩნია, რომ სასამართლოს მიმართ უნდა იყოს გარკვეული პრეტენზიები, ეს პრეტენზიები განიხილება ხოლმე ევროპაში, სტრასბურგში და არა საქართველოში. დარწმუნებული ვარ სტრასბურგი კიდევ ერთხელ გამოიტანს ობიექტურ განაჩენს“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს