„გიგი უგულავას დაკავება, რა თქმა უნდა, ეს არის პოლიტიკური დაკავება“, - ამის შესახებ საქართველოს მეოთხე პრეზიდენტმა გიორგი მარგველაშვილმა განაცხადა.

მისი თქმით, გიგი უგულავას ფაქტობრივად პროკურორი ასამართლებს.

„გიგი უგულავას დაკავება, რა თქმა უნდა, ეს არის პოლიტიკური დაკავება. ფორმაც, როგორც არის დაკავებული, პოლიტიკური დაკავებაა. მაგრამ, მე კიდევ უფრო მადარდებს ამ დაკავების საერთაშორისო კონტექსტი. გიგი უგულავას დაკავება ხდება მაშინ, როდესაც ჩვენი პარტნიორები სვამენ კითხვას პოლიტიკური დევნის შესახებ საქართველოში, ამ საკითხის თითქოს გასანეიტრალებლად პარლამენტის თავმჯდომარე იმყოფება ვაშინგტონში და ამ მომენტში აკავებენ ოპოზიციის ლიდერს. იურიდიულ დეტალებში აღარ შევალ, მაგრამ ფაქტობრივად პროკურორი ასამართლებს.  ასე, რომ ჩვენ არა უბრალოდ კიდევ ერთი პოლიტპატიმარი გვყავს ქვეყანაში, არამედ ჩვენ, ჩვენს დასავლელ პარტნიორებს ამით ვაჩვენებთ, რომ საერთოდ არ გვაინტერესებს მათი შეხედულებები“, - განაცხადა გიორგი მარგველაშვილმა.

შეგახსენებთ, რომ ე.წ. ფონდის საქმეზე გიგი უგულავას სახელმწიფო ბრალდება თბილისის განვითარების ფონდიდან 48 მილიონი ლარის გაფლანგვას ედავება.

უზენაესმა სასამართლომ გიგი უგულავა დამნაშავედ ცნო და 3 წლით და 2 თვით პატიმრობა შეუფარდა.

ავტორი: ექსპრესნიუსი,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს