ტელეკომპანია „ფორმულას“ დირექტორის მოადგილე გიორგი თარგამაძე, გადაცემაში  -  „მძიმე კაცთან“  გაკეთებული ჰომოფობიური განცხადებების გამო, ბოდიშს იხდის.

სოციალურ ქსელში „მძიმე კაცის“ წამყვანმა, გივი ავალიანმა თარგამაძეს 2013 წელს გაკეთებული განცხადება შეახსენა, სადაც ის ამბობს: "მე ვისურვებდი, ჩემი შვილები არ მეტარებინა ისეთ სასწავლებელში, სადაც ღიად გეი იქნება პედაგოგი“ და ჰკითხა, დღესაც იმავე აზრზეა თუ არა.

საპასუხოდ თარგამაძემ აღნიშნა, რომ ამ მოსაზრებას აღარ იზიარებს და თვლის, რომ ლგბტ წარმომადგენლებისთვის, საჯარო სივრცეში აქტიურობის რეგლამენტაციის დაწესების უფლება არავის აქვს.

„ბატონო გივი, სრულიად მესმის და ვიზიარებ თქვენს ლეგიტიმურ სურვილს იცოდეთ პასუხი დასმულ კითვაზე. გპასუხობთ: არა, არ ვიზიარებ. ვთვლი, რომ სექსუალური ორიენტაციის მიხედვით ადამიანის ღირსებაზე მსჯელობა არასწორია და მიუღებელი. აქვე ბოდიშს ვუხდი იმ მოწყვლად ჯგუფებს, რომლებთან მიმართებაშიც ჩემი რამდენიმე ძველი გამონათქვამი იყო გამოყენებული. მათ შორის ვთვლი, რომ ჩემი ან სხვა ადამიანის რელიგიური შეხედულებები არ გვაძლევს უფლებას საჯარო სივრცეში მათ აქტიურობას და მითუმეტეს არსებობას რაიმე რეგლამენტაცია დავუწესოთ. ამ მხრივ ჩვენი კონსტიტუციური და საკანონმდებლო ჩარჩო მკაფიო გარანტიებს ქმნის, რომლის სულისკვეთებაც არის და იქნება ჩემი ახლანდელი და შემდგომი საქმიანობის საყრდენი და სახელმძღვანელო პრინციპები“, – განაცხადა გიორგი თარგამაძემ.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე