ნაციონალური საკალათბურთო ასოციაცია (NBA) აცხადებს, რომ მათი ოჯახი ლეგენდარული კობისა და მისი შვილის გარდაცვალების გამო განადგურებულია.

ისინი უსამძიმრებენ ბრაიანტის ოჯახს, ლეიკერს, რომელშიც ის თამაშობდა და მთელ სპორტულ სამყაროს.

 „NBA-ის ოჯახი განადგურებულია კობი ბრაიანტისა და მისი ქალიშვილის ტრაგიკულად სიკვდილის გამო. 20 სეზონის განმავლობაში კობიმ გვაჩვენა, რას ნიშნავს, როდესაც შესანიშნავი ნიჭი შერწყმულია გამარჯვებისადმი აბსოლუტურ ერთგულებასთან . ჩვენი თამაშების ისტორიაში, კობი იყო ერთ-ერთი გამორჩეული მოთამაშე, მისი მიღწევები ლეგენდარულია. მაგრამ ყველაზე მეტად ის დაამახსოვრდებათ იმის გამო, რომ მან შთააგონა უამრავი ადამიანი მსოფლიოში, აეღოთ კალათბურთის ბურთი და ეთამაშათ შესაძლებლობების ფარგლებში. ის ხედავდა საკუთარ მისიას იმაში, რომ გაეზიარებინა ის მომავალი მოთამაშე თაობებისთვის.

ჩვენ ვუსამძიმრებთ მის მეუღლეს ვანესას და ოჯახს, „ლოს-ანჯელეს ლეიკერს“ და მთელ სპორტულ სამყაროს“, - წერს NBA-ის კომისარი ადამ სილვერი.

ცნობისთვის, დღეს კალიფორნიაში, კატასტროფა განიცადა ლეგენდარული კალათბურთელის, კობი ბრაიანტის ვერტმფრენმა, რომლის შედაგაც თავად ბრაიანტი, მისი 13 წლის ქალიშვილი და კიდევ სამი ადამიანი დაიღუპა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თბილისში დიდი საპროტესტო მსვლელობა მიმდინარეობს

სებ: ბრიტანეთის სანქციებში მითითებული სუბიექტები ეროვნული ბანკის მიერ რეგულირებული არ არიან

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით