შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი, საოკუპაციო რეჟიმის განცხადებას ეხმაურება.

მისი თქმით, განცხადება, რომ თითქოს ქართველი სამართალდამცველები არასტაბილურობის შექმნას ცდილობენ, არის პროვოკაციული და დეზინფორმაციას შეიცავს.

„ცხადია, ეს არის დეზინფორმაცია იმიტომ, რომ არანაირ მოქმედებებს ქართული მხრიდან ადგილი არ აქვს. თავისთავად განცხადება არის პროვოკაციული.“ - განაცხადა ქეთევან ციხელაშვილმა.

მანვე დასძინა, რომ ჩორჩანას მიდამოებში, საოკუპაციო ხაზთან შექმნილ ვითარებასთან დაკავშრებით, რამდენიმე ტექნიკური შეხვედრა უკვე შედგა და მომავალშიც იგეგმება.

„საკითხთან დაკავშირებით, რომელიც ეხება ჩორჩანას მიდამოებს, იცით რამდენიმე ტექნიკური შეხვედრა გაიმართა და ასეთი ტექნიკური შეხვედრა ჩანიშნული გახლავთ. ცხადია ჩვენი პარტნიორების მონაწილეობით კიდევ ერთხელ ქართული მხარე თავის პოზიციას დააფიქსირებს.“ - განაცხადა მინისტრმა.

მოამზადა ლანა მრავლაძემ

ავტორი: ექსპრესნიუსი,

სოციალური ქსელები

მარკო რუბიო - ჩვენ ვდგავართ ქართველი ხალხის გვერდით მდგრადი უსაფრთხოების, თავისუფლებისა და დამოუკიდებლობისკენ მათ სწრაფვაში

ხორვატია, ბულგარეთი და სერბეთი საქართველოს დამოუკიდებლობის დღეს ულოცავენ

ჩინეთის პრემიერი ლი ციანი - ჩინეთ-საქართველოს სტრატეგიული პარტნიორობა კარგად ვითარდება

ერდოღანი - ვულოცავთ ქართველ ხალხს, მეზობელი და მეგობარი საქართველოს დამოუკიდებლობის დღეს