„რუსეთის ფედერაცია ვერ განსაზღვრავს საქართველოს მომავალს“, - ამის შესახებ პარლამენტის თავმჯდომარე არჩილ თალაკვაძე ბათუმში, ნატო-ს გენერალური მდივნის მოადგილესთან, როუზ გოტემიულერთან გამართულ შეხვედრაზე განაცხადა.

თალაკვაძემ ოკუპიაციასა და ოკუპირებულ ტერიტორიებზე არსებულ ვითარებაზე გაამახვილა ყურადღება და აღნიშნა, რომ საქართველო აუცილებლად შეძლებს ტერიტორიული მთლიანობის აღდგენას მშვიდობიანი გზით.

„დღემდე ჩვენთვის გამოწვევად რჩება ჩვენი ტერიტორიების 20%-ის ოკუპაცია. ეს არ არის გაყინული კონფლიქტი, ეს არ არის პრობლემა, რომელიც უკვე მოხდა, ეს არის გამოწვევა, რომელიც დღესაც არსებობს და რომელიც თავისი უარესი სახით გრძელდება დღემდე. ეს გულისხმობს ოკუპირებულ რეგიონებში ადამიანის უფლებების მძიმე დარღვევებს, ჩვენი მოქალაქეების გატაცების შემთხვევებს, სხვადასხვა საფრთხეებს, რაც მომდინარეობს ოკუპირებული ტერიტორიებიდან. მიუხედავად ამ გამოწვევებისა, ჩვენ განვსაზღვრავთ ჩვენს მომავალს. რუსეთის ფედერაცია ვერ განსაზღვრავს საქართველოს მომავალს და ჩვენ დარწმუნებული ვართ, რომ ჩვენს პატრნიორებთან ერთად, დასავლეთთან ერთად, საქართველო ქმნის თავის მომავალს და მომენტს, როდესაც ჩვენი ტერიტორიული მთლიანობის აღდგენა იქნება შესაძლებელი მშვიდობიანი გზით", - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი

პაპუაშვილი: ზოგიერთს დღესაც სურს, არ ვიდგეთ ფეხზე, მათ წესებს მივყვეთ, საკუთარზე უარი ვთქვათ