გარემოსა და ბუნებრივი რესურსების დაცვის მინისტრი გიგლა აგულაშვილი, საქართველოს მეცნიერებათა აკადემიის  ვიცე პრეზიდენტ თეიმურაზ  ნანეიშვილთან ერთად  დიდი დმანისის (აბულბუქის  ტერიტორია ) მოსახლეობას შეხვდა და მათი პრობლემები მოისმინა.

გარემოს დაცვის სამინისტროს ინფორმაციით, დიდი დმანისის მოსახლეობამ მინისტრს კომპანია RMG -ის მიერ გამოწვეული პრობლემების მოგვარება სთხოვა.  მათი თქმით კომპანიის მუშაობის შედეგად ატმოსფერული  ჰაერი ბინძურდება.  ამასთან,  მოსაწესრიგებელია საგზაო ინფრასტრუქტურაც.

მინისტრის გადაწყვეტილებით  გარემოს ეროვნული სააგენტოს სპეციალისტები  ყოველთვიურად  ატმოსფერული ჰაერის, წყლის  და ნიადაგის   დაბინძურების მონიტორინგს განახორციელებენ   და მიღებული შედეგებს   მოსახლეობას სრულყოფილად მიაწვდიან.

შეხვედრის შემდეგ  გარემოს ეროვნული სააგენტოს სპეციალისტებმა  მდ.მაშავერასა და კაზრეთულას რამდენიმე წერტილიდან წყლის და ნიადაგის სინჯები აიღეს.  სინჯებს გარემოს ეროვნული სააგენტოს სპეციალისტები სააგენტოს ლაბორატორიაში შეამოწმებენ და განსაზღვრავენ ძირითად კომპონენტებს. წყლის სინჯების აღების პროცესს ადგილზე მეცნიერებათა აკადემიის წამომადგენელი ესწრებოდა, რომელიც მიმდინარე პროცესებში მაქსიმალურად იქნება ჩართული.

დიდი დმანისის მოსახლეობასთან შეხვედრას , RMG-ის წარმომადგენლები, საყდრისის გადარჩენის კომიტეტის წევრები და მეცნიერებათა აკადემიის წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში იპოთეკური სესხები 50%-ზე მეტით შემცირდა

რუსეთის მიერ აღიარებულმა თალიბანმა ავღანეთში ბავშვთა ქორწინება დააკანონა

ოცნებამ საპატრიარქოსთვის სარეზერვო ფონდიდან 5 მილიონ 300 ათასი ლარი გამოყო

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა