პარლამენტის თავჯდომარის მოადგილის მანანა კობახიძის განცხადებით, დე-ფაქტო სამხრეთ ოსეთის ე.წ. საზღვრის აღმნიშვნელი ბანერების გადმოწევის შესახებ ეუთო–სა და გაეროში ინფორმირებულები არიან. 

როგორც კობახიძემ ბიუროს სხდომაზე აღნიშნა, საერთაშორისო ორგანიზაციების მხრიდან არის მოწოდება, რომ საქართველოს პარტნიორი ქვეყნების, ჟენევის მოლაპარაკებების თანათავჯდომარეების ჩართულობით ამ ფაქტზე სწრაფი რეაგირება მოხდეს.

„რუსეთის  საოკუპაციო რეჟიმის მხრიდან  პროვოკაციული ქმედება, რომელმაც კიდევ ერთხელ დაარღვია ჩვენი ქვეყნის ტერიტორიული მთლიანობა, სუვერენიტეტი, ჩვენი მოქალაქეთა უფლებები, ადგილობრივი მაცხოვრებლების უფლებები,  განსაკუთრებით საოკუპაციო საზღვარზე მოსახლე ადამიანების უფლებები -  ეს არის ჩვენი შფოთვის და განსაკუთრებული წუხილის საგანი. 
საგარეო საქმეთა სამინისტრო ძალიან აქტიურ რეჟიმში მუშაობს. ყველა საელჩო ინფორმირებულია ამის შესახებ.  ჩვენი პარტნიორები, როგორც ბრიუსელში, ეუთოში, გაეროში, ინფორმირებულები არიან ამის შესახებ და არის მოწოდება, რომ რუსეთის ფედერაციის მიმართ მოხდეს შესაბამისი მიმართვა, რათა ეს ქმედებები იყოს  აღკვეთილი და მშვიდობიან ფორმატში რა თქმა უნდა ,მხოლოდ  საერთაშორისო, ჩვენი პარტნიორი, მეგობარი  ქვეყნების ჩართულობით , ჟენევის მოლაპარაკებების თანათავჯდომარეების ჩართულობით, მოხდეს უსწრაფესად ამ ფაქტზე რეაგირება. იმედი მაქვს, ამ მხრივ ჩვენი საგარეო საქმეთა სამინისტრო ძალისხმევას არ დაიშურებს“, - აღნიშნა კობახიძემ. 
ცნობისთვის, დე-ფაქტო სამხრეთ ოსეთის ე.წ. საზღვრის აღმნიშვნელი ბანერები 295- 300 მეტრით არის გადმოწეული. ე.წ. საზღვარი ძველი ბანერის ადგილიდან, რომელიც ორჭოსანის მიმართულებით იყო დამონტაჟებული, ახალი ავტობანის მიმართულებით არის გადმოწეული.  ახალი ბანერები წითელ უბანშიც დაამონტაჟეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტური ეთიკის ქარტია რეჟიმს - შეწყდეს რეპრესიები, სოლიდარობა დამოუკიდებელ მედიას

დიუშენით დაავადებული ბავშვების დასახმარებელ მარათონში კომპანიები ჩაერთნენ

რუბიომ განაცხადა, რომ აშშ-ს, უკრაინასა და რუსეთს შორის მოლაპარაკებები ჩიხში შევიდა

რუსეთში იპოთეკური სესხები 50%-ზე მეტით შემცირდა