"რაც შეეხება განცხადებას, იმის თაობაზე, რომ თითქოს საქართველოს ტერიტორიული მთლიანობის დათმობას ვინმე ითხოვს, ეს არასწორი ინფორმაციაა", - ასე გამოეხმაურა საპარლამენტო უმრავლესობის ლიდერი გია ვოლსკი ნატო-ს ყოფილი გენერალური მდივანის ანდერს ფოგ რასმუსენის განცხადებას, რომლის თანახმადაც, ქვეყანამ უნდა დაიწყოს დისკუსიები, მისაღებია თუ არა საქართველო ნატო-ს შეუერთდეს იმ პირობით, რომ მე-5 მუხლმა მხოლოდ ის ტერიტორია მოიცვას, რომელსაც საქართველოს ხელისუფლება აკონტროლებს. 

ვოლსკი აღნიშნულ განცხადებას, მას შემდეგ გამოეხმაურა, რაც სხვადასხვა მედია საშუალებებმა რასმუსენის სიტყვები არასწორი ინტერპრეტაციის გაავრცელეს. 

უმრავლესობის ლიდერმა დასძინა, რომ არც ერთი კავშირი საქართველოს სუვერენიტეტს ეჭვქვეშ არ აყენებს. 

"რაც შეეხება განცხადებას იმის თაობაზე, რომ თითქოს საქართველოს ტერიტორიული მთლიანობის დათმობას ვინმე ითხოვს, ეს არასწორი ინფორმაციაა. გამორიცხულია, გინდ ნატო, გინდ გაერო, ევროკავშირი, არ არსებობს არავითარი კავშირი და მით უმეტეს ამ კავშირში გაერთიანებული ქვეყნები, რომელიც მცირე კითხვის ნიშნის ქვეშ სვავენ ამ საკითხს. რატომ იცით? ეს არ არის მხოლოდ ჩვენი ინტერესი, ეს არის მსოფლიოს ინტერესი, რომ რეგიონში არ იყოს დომინირება რუსეთის, რომელიც რეალურად ოკუპაციას ახდენს ამ ტერიტორიების. ჯერ ერთი ოფიციალური განცხადება არ ყოფილა ეს და მეორეს ერთი, შეიძლება ჟურნალისტმა იკითხა როგორ აპირებთ ნატო-ში მიღებას ქვეყნის, რომელსაც აქვს ორი ტერიტორია დაკარგული და თავის მოსაზრება გამოთქვა, რომ ან ძალით - მეხუთე მუხლის გამოყენებით, ან მშიდობიანი პროცესით, როგორსაც თვითონ საქართველოს ხელისუფლება აღიარებს, ტერიტორიული მთლიანობის აღდგენას", - განაცხადა გია ვოლსკიმ. 

ის კონფერენციაზე "პატრიოტა ალიანსის" ლიდერის ირმა ინაშვილის მისვლას და მომხდარ დაპირისპირებასაც გამოეხმაურა. ვოლსკის თქმით, ინაშვილის შეეძლო პრესკონფერენციის გამართა და საკუთარი პოზიციის ასეთ ფორმატში დაფიქსირება. 

„რაც შეეხება კონფერენციას, კონფერენციები ტარდება და შეიძლება ადამიანები არ იყვნენ ამ კონფერენციაზე დაშვებული, მიუხედავად თანამდებობისა. მე არ მგონია, პოზიტიური იყოს თუნდაც ამ პოლიტიკური ძალის ან ზოგადად ქვეყნისათვის ესეთი დამოკიდებულება, მით უმეტეს მედიაც დაინტერესებულია, ყველანაირი ტრიბუნა გააჩნია ჩემ კოლეგას და რა დონეზეც უნდა და რა სიტყვებითაც უნდა შეუძლია შეუტიოს იმას, რაც ხდება. პრესკონფერენციაც იქნებოდა გაცილებით ხმაურიანი და მეტ აუდიტორიას მოიცავდა. ასე რომ ამ საკითხებთან დაკავშირებითაც, ნუ ვიტყვით რომ ვინმეს ბრალია", - აღნიშნა გია ვოლსკიმ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს

NATO-ს სამეკავშირეო ოფისი: ვუერთდებით ქართველ ხალხს საქართველოს დამოუკიდებლობის დღის აღნიშვნაში

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა