"ჩვენი დამოკიდებულება ყველა ინვესტორთან არის სამართლიანი, გამჭვირვალე, ჯანსაღი და როცა სახელმწიფო სამართლიანადექცევა ბიზნესს, რა თქმა უნდა, განვითარება, დინამიკა და ინვესტიციები არის შეუქცევადიპროცესი," -  განაცხადა თორნიკე რიჟვაძემმრავალფუნქციური კომპლექსის "ბათუმი რივიერას" პრეზენტაციისას.

"ბათუმი რივიერა", რომელიც ახალ ბულვარში შენდება, არის ქართულ-გერმანული კომპანია "ჰოხბაუ"-ს  30 მილიონი ლარის ღირებულების საინვესტიციო პროექტი. მრავალფუნქციურ კომპლექსში 70 ადამიანი დასაქმდება.

"წელს გვაქვს მართლაც უპრეცედენტო წელიწადი რეგიონში და უკვე დღეის მდგომარეობით შეგვიძლია თამამად განვაცხადოთ, რომ ჩვენ ყველამ ერთად, განსაკუთრებით ეკონომიკურ გუნდთან ერთად, მუნიციპალიტეტის მთავრობასთან ერთად ჩვენ შევძელით 30 პროექტის განახლება, რომელთა საინვესტიციო ღირებულება არის 1 მილიარდი ლარი. რა თქმა უნდა, ჩვენ ამით არ ვკმაყოფილდებით, არ გავჩერდებით და წლის ბოლომდე ჩვენი გეგმის შესაბამისად უნდა მოვახდინოთ 3 მილიარდი ლარის საინვესტიციო პროექტების რეალიზება და მათი დაწყება წლის ბოლომდე. რას ნიშნავს ეს? ეს ნიშნავს, რომ ჩვენ რეგიონში 2 წლის ჭრილში შევქმნით 6 ათას ახალ სამუშაო ადგილს და ეს ნიშნავს, რომ გვეყოლება 6 ათასი ძლიერი ოჯახი" - განაცხადა რეგიონის პირველმა პირმა ღონისძიებაზე სიტყვით მიმართვისას.

 "ჰოხბაუ"-ს წარმომადგენლობა აღნიშნავს, რომ  "ბათუმი რივიერას" პროექტი არის ევროპული გამოცდილების გამოძახილი და აფუძნებს ევროპულ სტანდარტებს.

(NS)

ავტორი: ექსპრესნიუსი,

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება