თსუ-ს დროებითი გამოყენებისთვის გარემოს რადიაციული მონიტორინგის ლაბორატორია გადაეცა

2015-07-10 11:09:24, 634 ნახვა

საზოგადოება

გარემოსა და ბუნებრივი რესურსების დაცვის მინისტრი გიგლა აგულაშვილი თბილისის სახელმწიფო უნივერსიტეტს ესტუმრა.

სამინისტროს ინიციატივით უნივერსიტეტს გარემოს რადიაციული მონიტორინგის ლაბორატორია დროებითი გამოყენებისთვის გადაეცა, რომლის მეშვეობითაც შესაძლებელია გარემოდან აღებული სინჯების გამოკვლევა რადიაციული მონიტორინგის მიზნით. სტუნდენტები თავად ჩაერთვებიან აღნიშნულ პროცესში.

დღესვე, სამინისტროსა და უნივერისტეტს შორის ურთიერთთანამშრომლობის მემორანდუმი გაფორმდა, რომლის ფარგლებშიც სტუდენტები გარემოსა და ბუნებრივი რესურსების დაცვის სამინისტროს ცენტრალურ აპარატში სტაჟირებას გაივლიან და ასევე გარემოსდაცვით პროექტების განხორციელებაში მიიღებენ მონაწილეობას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან