2019-08-06 13:35:41, 1208 ნახვა

---

კახიძე: სიძულვილის ენაზე ჩანაწერი პრობლემურია - შეიძლება ხელისუფლებამ კრიტიკული აზრის ჩახშობა სცადოს

„ევროპული საქართველოს“ წევრის, ოთარ კახიძის განცხადებით, საარჩევნო კანონმდებლობის ცვლილებათა პროექტში, ერთ-ერთი მთავარი პრობლემა ე.წ. სიძულვილის ენის გამოყენებასთან დაკავშირებული ჩანაწერია.

როგორც კახიძემ აღნიშნა, ჩანაწერი ბუნდოვანია და ამის გამო შესაძლოა, გამოხატვის თავისუფლება მნიშვნელოვნად შაიზღუდოს.

„რაც შეეხება ამ პროექტს, ეს კეთდება იმისთვის, რომ შინაარსობრივად გაკონტროლდეს პოლიტიკური რეკლამა. საკმაოდ პრობლემური საკითხია, რადგან სიძულვილის ენის დეფინიცია არ არის მოცემული და ბუნდოვანია ჩანაწერი. როცა ჩანაწერს ცენტრალური საარჩევნო კომისია და სასამართლო გაავრცელებენ, შესაძლოა, გამოხატვის თავისუფლება სერიოზულად შეიზღუდოს და ხელისუფლებამ კრიტიკული აზრის ჩახშობა სცადოს. ეს ჩანაწერი ან უნდა გაუქმდეს, ან მკაფიოდ განიმარტოს, თუ რა იგულისხმება“, - აღნიშნა კახიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი