"ნაციონალური მოძრაობის" ერთ-ერთი ლიდერი რომან გოცირიძე ეროვნული ვალუტის გაუფასურების გამო, პრემიერ-მინისტრის მამუკა ბახტაძის და სებ-ის პრეზიდენტის კობა გვენეტაძის გადადგომას ითხოვს. 

როგორც გოცირიძე Facebook-ის საკუთარ გვერდზე წერს, ხელისუფლება არაკომპეტენტურ განცადებებს აკეთებს, როდესაც ლარის გაუფასურებას რუსი ტურისტების შემცირებით ხსნის. 

"2006 წელს, მაშინ, როცა ეროვნული ბანკის პრეზიდენტი ვიყავი: -იანვარში რუსეთმა სპეციალურად ააფეთქა ჩრდილოეთ კავკასიაში ჩვენსკენ მომავალი გაზსადენი, გაყინა ქვეყანა და მნიშვნელოვანი ზიანი მიაყენა ეკონომიკას. მხოლოდ ორი თვის შემდეგ შეაკეთა, რადგან სომხეთში არსებულ მიწისქვეშა გაზსაცავში მარაგები სომხეთს მხოლოდ ამ დროის განმავლობაში ეყოფოდა. რომ არა ამ მილსადენზე სომხეთის მიბმა, გაზი ჩვენთვის მრავალი წლით იქნებოდა ჩაკეტილი. 
-მარტში რუსეთმა გამოაცხადა ემბარგო, აიკრძალა ღვინის, მინერალური წყლების, სოფლის მეურნეობის პროდუქციის შეტანა, შეჩერდა საჰაერო მიმოსვლა.

მიუხედავად ყოველივე ზემოთქმულისა, ლარი კი არ გაუფასურდა, პირიქით, აპრილში და შემდგომ პერიოდში გამყარდა და ასე გაგრძელდა მომდევნო წლის განმავლობაშიც.

ლარის სამიანის ნიშნულამდე დაცემის ახსნა მთავრობისა და ეროვნული ბანკის მიერ, სამომავლოდ რუსეთიდან ტურისტული ნაკადების შესაძლო შემცირებით, არის დემაგოგია. მიზეზი მათი არაკომპეტენტურობა და დაშვებული შეცდომებია. ლარის კურსიის ოფიციალურად ”სამამდე” გაუფასურებას თითქმის არაფერი აკლია. როგორც კი ეს მოხდება, გვენეტაძემ და ბახტაძემ აიკრან გუდა-ნაბადი და გადადგნენ თავიანთი პოსტებიდან", - წერს რომან გოცირიძე და 2006 წელს ლარის ოფიციალური გაცვლითი კურსის ამსახველ ფოტოს ავრცელებს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის

უკრაინის საგარეო საქმეთა მინისტრმა ეუთოს საგანგებო შეხვედრაზე საქართველოს მხარდაჭერისთვის მადლობა გადაუხადა.