„ირაკლი ოქრუაშვილი ჩემთვის, როგორც პოლიტიკოსისთვის, ნამდვილად არ არის საინტერესო“, - ასე უპასუხა თბილისის მერმა კახა კალაძემ ჟურნალისტების კითხვას ირაკლი ოქრუაშვილის დაკავებასთან დაკავშირებით.

კალაძემ დეტალებზე საუბარს თავი აარიდა და ჟურნალისტებს მოუწოდა ამ კითხვით შესაბამის სამსახურებს მიმართონ.

„ირაკლი ოქრუაშვილი ჩემთვის, როგორც პოლიტიკოსისთვის ნამდვილად არ არის საინტერესო. არის კითხვები, ის გასცემს ამ კითხვებზე პასუხს. მე დეტალებში გამიჭირდება შესვლა, თუ რა მუხლია, რა ბრალეულობაა, ეს კითხვა შეგიძლიათ დაუსვათ შესაბამის სამსახურებს“, - განაცხადა კახა კალაძემ.

ცნობისთვის, თავდაცვის ყოფილი მინისტრი ირაკლი ოქრუაშვილი 25 ივლისს, ჯგუფური ძალადობის ორგანიზების, ხელმძღვანელობის და მასში მონაწილეობის ბრალდებით დააკავეს. შსს-ს განცხადებით, პარლამენტის შენობაზე მიტანილი შტურმის დროს, ირაკლი ოქრუაშვილი, აქციის მონაწილეებს მოუწოდებდა და თავადაც ცდილობდა პარლამენტის შენობაში შეჭრას.

ავტორი: ექსპრესნიუსი,

სოციალური ქსელები

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის

უკრაინის საგარეო საქმეთა მინისტრმა ეუთოს საგანგებო შეხვედრაზე საქართველოს მხარდაჭერისთვის მადლობა გადაუხადა.