მაჩალიკაშვილი: რაც ხელისუფლებაში ხდება, ეს ნაძირლობაა - მორის მაჩალიკაშვილის დაკავებით მანამდეც მემუქრებოდნენ

2019-07-30 13:51:41, 1429 ნახვა

კომენტარი

პანკისის ხეობაში სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი აცხადებს, რომ მორის მაჩალიკაშვილის დაკავებით მას კარვის გაშლამდე ემუქრებოდნენ.

მაჩალიკაშვილი ხელისუფლებას აკრიტიკებს და ამბობს, რომ მას მიზანმიმართულად ებრძვიან.

"დღეს რაც საქართველოში ხდება, ამ ხელისუფლებაში, ეს არის სრულიად ამოუხსნელი რაღაც უმსგავსო ნაძირლობა. ირაკლი ოქრუაშვილი და დანარჩენი ადამიანები დღეს ისინი ტყვედ აიყვანეს და გამოკეტეს ციხეში იმისთვის, რომ მათში სამართალსა და სიმართლეს ხედავენ. ისინი არანაირ გადატრიალებას არ ცდილობდნენ. არანაირი ორგანიზატორები არ იყვნენ და არც ყოფილან.
მორის მაჩალიკაშვილის დაკავებით უნდათ ჩამოაშორონ თავის ბიძას და რაღაცით მევაჭრონ, გამოკეტონ ციხეში. ვიდრე დაიჭერდნენ, როგორც კი გავშალე კარავი, იმ დღესვე დაურეკავთ ხეობაში ჰუსეინის ბიძისთვის, ჩემი ბიძაშვილისთვის, კარავი თუ გაიშლება, ჰუსეინ მაჩალიკაშვილს დავიჭერთო", - განაცხადა მალხაზ მაჩალიკაშვილმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან