ეროვნულ-დემოკრატიული ინსტიტუტის (NDI) საქართველოს ოფისის დირექტორი ლორა ტორნტონი ტელეკომპანია "რუსთავი 2"-ის გარშემო განვითარებულ მოვლენებს ეხმაურება.

როგორც ტორნტონი Facebook-ის საკუთარ გვერდზე წერს, NDI ყოველთვის მხარს უჭერს მრავალფეროვანი და თავისუფალი მედია გარემოს მნიშვნელობას.

"ტელეარხსა და სასამართლოს გადაწყვეტილებაზე თქვენი შეხედულების მიუხედავად, უნდა არსებობდეს შეშფოთება ოპოზიციური ხმებისა და დემოკრატიული დებატების გაგრძელებასთან დაკავშირებით,  განსაკუთრებით 2020 წლის არჩევნებისთვის. NDI ყოველთვის მხარს უჭერს მრავალფეროვანი და თავისუფალი მედია გარემოს მნიშვნელობას", - წერს ლორა ტორნტონი. 

ცნობისთვის, სტრასბურგის სასამართლოს გადაწყვეტილებით, „რუსთავი 2“-ის საქმეზე კონვენციის დარღვევა არ დადგინდა. გარდა ამისა, უსტიციის სამინისტროს საჯარო რეესტრმა ბიზნესმენი ქიბარ ხალვაში ტელეკომპანია „რუსთავი 2“-ის მესაკუთრედ დაარეგისტრირა. ამასთან, „რუსთავი 2“-ის გენერალურ დირექტორად პაატა სალია დაინიშნა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის