სახელმწიფო აუდიტის სამსახური ბიუჯეტის კორექტირებულ პროექტზე დასკვნას მოამზადებს

2015-06-30 13:42:41, 520 ნახვა

საზოგადოება

სახელმწიფო აუდიტის სამსახური ბიუჯეტის კორექტირებულ ვარიანტთან დაკავშირებით დასკვნას მოამზადებს.

როგორც გენერალურამ აუდიტორმა ლაშა თორდიამ განაცხადა, დასკვნაში შეფასებული იქნება რამდენად შესაბამისობაში მოდის ბიუჯეტის ახალი პარამეტრები მოქმედ კანონმდებლობასთან.

"კანონმდებლობის მიხედვით, როცა პარლამენტში მთავრობის მიერ ბიუჯეტის კორექტირებული ვარიანტი შედის, სახელმწიფო აუდიტის სამსახურმა უნდა შეისწავლოს კანონპროექტის შესაბამისობა მოქმედ კანონმდებლობასთან და პარლამენტს შესაბამისი დასკვნა წარუდგინოს. ჩვენ გვაქვს დაახლოებით ორკვირიანი ვადა, რომ შევისწავლოთ რამდენად მოდის შესაბამისობაში ბიუჯეტის კორექტირებული ვარიანტით განსაზღვრული პარამეტრები მოქმედ კანონმდებლობასთან და რამდენად დაცულია ფისკალური პარამეტრები, რომლებიც სხვადასხვა კანონმდებლობითაა გათვალისწინებული. დოკუმენტის შესწავლა უკვე დაწყებულია და დასკვნას კანონმდებლობით გათვალისწინებულ ვადაში წარვუდგენთ საფინასო-საბიუჯეტო კომიტეტს და შემდეგ პარლამენტს", - განაცხადა ლაშა თორდიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან