მეცნიერებმა ლეონარდო და ვინჩის შესახებ მორიგი აღმოჩენა გააკეთეს

2019-04-10 21:04:42, 3969 ნახვა

Lifestyle

ფლორენციაში მდებარე უფიცის გალერეის მკვლევარებმა დაადგინეს, რომ ლეონარდო და ვინჩი ამბიდექსტრი იყო. ეს იმას ნიშნავს, რომ მას ორივე ხელით წერა და ხატვა თანაბრად შეეძლო. იშვიათ შემთხვევებში ამბიდექსტრ ადამიანებს ერთდროულად ორივე ხელით სხვადასხვა წინადადებების წერა შეუძლიათ, მაგრამ და ვინჩის შემთხვევაში ამის შესახებ მეცნიერები არ საუბრობენ.

მეცნიერებმა და ვინჩის ერთ ერთი პირველი ცნობილი ნამუშევარი სახელწოდებით "არნოს პეიზაჟი" შეისწავლეს. ეს ნამუშევარი 1473 წლით არის დათარიღებული, მხატვარი მაშინ 21 წლის იყო. ნამუშევრის უკანა მხარეს და ვინჩის მიერ დაწერილი წინადადების ანალიზის შემდეგ მეცნიერებმა დაადგინეს, რომ ტექსტის ერთი ნაწილი მარჯვენა, ხოლო მეორე მარცხენა ხელით არის დაწერილი.
აქამდე ცნობილი იყო, რომ ლეონარდო და ვინჩი ცაცია იყო და ე.წ სარკისებრივ წერის სტილს იყო მიჩვეული, მაგრამ ახალი აღმოჩენა დასტურია იმისა, რომ ის ორივე ხელით წერდა და ხატავდა.