ევროსაბჭოს წევრი ბახტაძეს: შეგიძლიათ დაგვპირდეთ, რომ ია კერზაიას საქმე ნამდვილად ბოლომდე იქნება მიყვანილი?

2019-04-10 18:33:33, 2283 ნახვა

კომენტარი

ევროსაბჭოს საპარლამენტო ასამბლეაზე საქართველოს პრემიერ-მინისტრ მამუკა ბახტაძეს საბჭოს წევრებმა ჰკითხეს, შეუძლია თუ არა დადოს პირობა, რომ ზუგდიდის მე-6 სკოლის დირექტორის ია კერზაიას გარდაცვალების საქმე გამოძიებული იქნება.

გარდა ამისა, ევროსაბჭოს წევრებმა პრემიერს გაახსენეს 11 ევროდეპუტატის წერილი, რომლებიც ასევე საქმის გამოძიებას ითხოვდნენ.

„შეგიძლიათ დაგვპირდეთ, რომ ეს ტრაგიკული საქმე ნამდვილად იქნება ბოლომდე მიყვანილი?“,-მიმართეს მამუკა ბახტაძეს.

თავის მხრივ პრემიერმა განმარტა, რომ რომ კერზაიას საქმე მართლაც ტრაგიკულია, თუმცა ამ ტრაგედიას გარკვეული ჯგუფები პოლიტიკური სპეკულაციებისთვის იყენებენ.

„რა თქმა უნდა, ეს იყო ადამიანური ტრაგედია და მინდა მივუსამძიმრო ია კერზაიას ოჯახის წევრებს. სამწუხაროდ, ზოგიერთი პოლიტიკური პარტია იყენებს ამ ტრაგედიას პოლიტიკური სპეკულაციებისთვის. მაქვს მოლოდინი, რომ გამოძიება ყველა შეკითხვას პასუხს გასცემს“,-განაცხადა პრემიერმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან