2019-04-04 17:28:54, 1686 ნახვა

---

ნადირაშვილი იზორიას - როგორ მოახერხეთ, რომ შევარდნაძისა და საბჭოთა ჯარის ტრადიციები ქართულ არმიაში დააბრუნეთ

„ევროპული საქართველოს“ ლიდერმა ირმა ნადირაშვილმა თავდაცვის მინისტრს, ლევან იზორიას მტკიცებულებების გარეშე ბრალდებებისგან თავის შეკავებისკენ მოუწოდა. 

ამით ნადირაშვილმა მინისტრს იმ კომენტარს გამოეხმაურა, სადაც ის წინა ხელისუფლების მიერ სახელმწიფო რესურსების ხარჯვაზე საუბრობდა. 

„თუ ვინმეს დაჰყავდა თავისი ოჯახის წევრი საწვავით, რომლითაც არ უნდა ევლო, გამოიძიეთ, გამოიტანეთ, და ეს ადამიანები დასაჯეთ....უკვე 7 წელია ხელისუფლებაში ხართ, ძალიან უხერხეულია ასე გვარების ბრახუნი. მეც შემიძლია ასე გამოვიშვირო თქვენკენ ხელი და ვთქვა, რომ თქვენი ოჯახის წევრი ჩარეული იყო კონტრაბანდაში, მაგალითად სიგარეტის", - მიმართა დეპუტატმა მინისტრს. 

ირმა ნადირაძემ გამოსვლისას კრწანისის სასწავლო ცენტრში მომხდარი ინციდენტი გაიხსენა და აღნიშნა, რომ ქართული არმია შევარდნაძისა და საბჭოთა არმიას დაემსგავსა.

როგორ მოახერხეთ, რომ შევარდნაძისა და საბჭოთა არმიის ტრადიციები დააბრუნეთ ქართულ ჯარში. ვგულისხმობ კრწანისის სასწავლო ცენტრში მომხდარ ფაქტს“, - აღნიშნა ნადირაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი