ახალ ზელანდიაში მეჩეთებზე ტერაქტი ულტრანაციონალისტმა განახორციელა

2019-03-16 13:40:57, 3271 ნახვა

მსოფლიო

ახალ ზელანდიაში მეჩეთებზე ტერაქტი ულტრანაციონალისტმა განახორციელა - ექსპრესვიდეო

ახალ ზელანდიაში ტერაქტის მომწყობი 28 წლის ბრენტონ ტარანტი, ულტრანაციონალისტია და თეთრი რასის უპირატესობას ქადაგებდა.

დღეს ტერირიზმში ეჭვმიტანილი ულტრანაციონალისტი სასამართლოს წინაშე წარსდგა. პროცესი მედიისთვის და საზოგადოებისთვის დახურული იყო. ცნობილი გახდა, რომ ტარანტი რომელიც ავსტრალიის მოქალაქეა, ე.წ "დიდი ცვლილებების" მომხრე იყო და მიგრანტებს დამპყრობლებს ადარებდა.

თავდამსხმელის იარაღის ერთ-ერთ მჭიდზე დავით აღმაშენებლისა და დავით სოსლანის სახელები წერია. ქართული წარწერების გარდა, წარწერები სხვადასხვა ენაზე კიდევ რამდენიმე იარაღზეა განთავსებული.

ცნობისთვის, კრაისტეჩერში ორ მეჩეთზე შეიარაღებული თავდასხმა მოხდა, რასაც ბოლო მონაცემებით 40 ადამიანის სიცოცხლე ემსხვერპლა. ასევე დაჭრილია ათობით ადამიანი.