მარგველაშვილი: როდესაც რუსეთის ნებისმიერ მეზობელ ქვეყანაში დაძაბულობაა, ეს დიდ პრობლემაში გადაიზრდება

2015-06-21 12:08:05, 478 ნახვა

პოლიტიკა

"როდესაც რუსეთის ნებისმიერ მეზობელ ქვეყანაში გარკვეული დაძაბულობაა, მაშინ თქვენ უკვე შეგიძლიათ იფიქროთ, რომ ეს დიდ პრობლემაში გადაიზრდება,"-ამის შესახებ საქართველოს პრეზიდენტმა გიორგი მარგველაშვილმა GLOBSEC-ის ფორუმის ფარგლებში აღმოსავლეთ პარტნიორობის ქვეყნებში უსაფრთხოების პრობლემებისადმი მიძღვნილ სესიაზე განაცხადა.

„რუსი პოლიტიკოსები ძალიან მკაფიო მესიჯს აგზავნიან. ძირითადად საუბარია მეზობელ ქვეყნებთან რუსეთის დამოკიდებულებაზე. იგი მათ განიხილავს, როგორც თავიანთ „ტერიტორიულ საკუთრებას,“ სადაც სამხედრო ძალების გამოყენების გზით მკაცრი მოქმედების უფლება აქვს და რეაგირებას ახდენს ამ ქვეყნებში ნებისმიერი სახის დაძაბულობაზე, რაც არა მხოლოდ ხელს უშლის საკითხის გადაწყვეტას, არამედ უფრო მეტ პრობლემებსა და საფრთხეებს უქმნის რეგიონის მომავალს; მეტიც, სირთულეები მოაქვს თავად რუსეთისთვისაც",-აღნიშნა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან