ოკუპირებულ ტერიტორიაზე, გალის რაიონში გარდაცვლილის ახლობელი მიიჩნევს, რომ ირაკლი კვარაცხელია რუსმა სამხედროებმა ცემით მოკლეს.

როგორც გარდაცვლილის ახლობელი "რუსთავი 2"-თან საუბარში იხსენებს, კვარაცხელია სოფელ თაგილონისა და ნაბაკევის საოკუპაციო ხაზთან, გასულ კვირას დააკავეს, რა დროსაც რუს ოკუპანტებთან შელაპარაკება მოუვიდა. მისივე თქმით, სიტყვიერი დაპირისპირების შემდეგ, ირაკლი კვარაცხელია რუსების ბაზაზე გადაიყვანეს, სადაც მას, სავარაუდოდ ფიზიკურად გაუსწორდნენ. 

„მანქანა მოვიდა ჩასვეს მანქანაში და წაიყვანეს. შელაპარაკება მოუვიდათ, ცოტა ნასვამი იყო საწყალი ბიჭი, იყო ბაზაზე. იქ ცუდად გახდა ექთნები მიუყვანეს, დახმარება გაუწიეს, მაგრამ ექთნები  ვერაფრით დაეხმარებოდნენ. რუსების ბაზაზეა გარდაცვლილი, შეიძლება კი არა დანამდვილებით შეიძლება იმის თქმა, რომ სცემეს. ძალიან ხშირია ასეთი ფაქტები, სიტყვიერი დაპირისპირების შემდეგ რუსები ფიზიკურ ძალადობაზე გადადიან, მაგრამ ამის თაობაზე არავის მიუწოდებია საქართველოს ხელისუფლებისთვის ინფორმაცია და არ არის ცნობილი", - განაცხადა გარდაცვლილის ახლობელმა. 

ადგილობრივების თქმით, 29 წლის მამაკაცს დაზიანებები თავისა და ზურგის არეში ჰქონდა მიყენებული.

„გავიგე მოუკლავთ საწყალი ბიჭი. ექიმები რომ მოუყვანიათ, მკვდარი ყოფილა. ნაცემი იყო ზურგის მხარეს, ტვინის მხარეს. რუსების ბაზაზე მოხდა ეს. ზუგდიდში გადმოსვლას ცდილობდა და დაუკავებიათ. უცემიათ და ალბათ შემოაკვდათ. ექიმები რომ მისულან, უთქვამთ, რომ ჩვენ ვერაფერს ვუშველითო“, - აცხადებს ადგილობრივი მკვიდრი. 

ავტორი: ,

სოციალური ქსელები

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე