"ქალბატონ თამარ ჩუგოშვილს უნდოდა სიკეთე გაეკეთებინა და გამოსდის ბოროტება, როდესაც ამბობს, რომ უნდა გამოვიწვიოთ იუსტიციის საბჭოს ხუთივე წევრი არის წარდგენილი პარლამენტიდან", - ამის შესახებ „ნაციონალური მოძრაობის“ ერთ-ერთმა ლიდერმა, რომან გოცირიძემ განაცხადა.

გოცირიძე გამოეხმაურა ჩუგოშვილის ინიციატივას, რომლის მიხედვითაც, თუკი იუსტიციის უმაღლესი საბჭო მოსამართლეთა უვადოდ დანიშვნის პროცესს არ შეაჩერებს, პარლამენტმა საბჭოდან საკუთარი კვოტით დანიშნული ხუთივე წევრი უნდა გამოიწვიოს.

 "კი მაგრამ ნაზი ჯანეზაშვილი რატომ უნდა გამოვიწვიოთ? ნაცვლად იმისა, რომ ეთქვა გამოვიწვიოთ ის ადამიანები, ვინც ემსახურება  ამ სასამართლო კლანურ მმართველობას, ის ოთხი ადამიანი, რომელიც მუდამ კენჭს უყრის იმ კლანის სასარგებლოდ, ახლა რაღაც პრინციპის გამო ამბობს გამოვიწვიოთ ხუთივე. მაშინ ანა დოლიძე გამოიწვიოს პრეზიდენტმა და "ოქროს ხანა" დაუდგება ამ კლანს დოლიძისა და ჯანეზაშვილის გარეშე. არ არის ეს სწორი გადაწყვეტილება, იქნებოდა ლოგიკური ინდივიდუალურად გვემსჯელა ცალკეულ ადამიანებთან დაკავშირებით. ნაზი ჯანეზაშვილის გარეშე მივიღებთ უარესს, ვიდრე არის დღეს მდგომარეობა იუსტიციის საბჭოში.  კი ბატონო თანახმა ვარ გამოვიწვიოთ ოთხი, ხელები შორს ნაზისაგან",- აღნიშნა რომან გოცირიძემ.

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა