„წელს ქვეყანაში მასშტაბური პროფესიული გადამზადების პროგრამა იწყება", - ამის შესახებ განცხადება საქართველოს ეკონომიკისა და მდგრადი განვითარების მინისტრმა პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე გამოსვლისას გააკეთა.

გიორგი ქობულიას ინფორმაციით, მასშტაბური პროფესიული გადამზადების პროგრამით იგეგმება ყოველწლიურად 50 ათასამდე ადამიანის გადამზადება. რაც შეეხება პრიორიტეტულ მიმართულებებს, ესენია ტურიზმი და სასტუმროები, ICT სექტორი, ბიზნეს პროცესების აუთსორსინგი, ტანსაცმლის, ფეხსაცმლისა და ტყავის ნაწარმის წარმოება, ავეჯის დამზადება, ავტო და საჰაერო სატრანსპორტო საშუალებების აწყობა - წარმოება, კომპიუტერებისა და ელექტრონული ნაწარმის წარმოება, სოფლის მეურნეობა, ენერგეტიკა და მშენებლობა.

ამასთან, ეკონომიკის მინისტრის განცხადებთ, ეკონომიკისა და მდგრადი განვითარების სამინისტროში ჩამოყალიბდა საბჭოები პრიორიტეტული სექტორების მიხედვით და მათ მუშაობაში სამთავრობო უწყებების გარდა, მონაწილეობდნენ ბიზნესის, პროფესიული განათლებისა და დონორების წარმომადგენლები. საბჭოებმა დაადგინეს პროფესიები და გადასამზადებელ პირთა რაოდენობა, სასწავლო პროგრამა, ასევე განსაზღვრეს დამატებითი ინფრასტრუქტურის შექმნის საჭიროება გეოგრაფიულ ჭრილში და სხვა.

პროფესიული განათლების მოკლევადიანი პროგრამის პირველი ტალღის დაწყება არსებულ ბაზაზე 1-ლი აპრილიდან იგეგმება.

(NS)

ავტორი: ,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია