თბილისში მომხდარი სტიქიის შედეგად დაზარალებული მოსახლეობის  საცხოვრებლით უზრუნველყოფისათვის, ევროკომისია 3 მილიონ ევროს გამოყოფს.

ამის შესახებ „ექსპრესნიუსს“ საგარეო საქმეთა სამინისტროდან აცნობეს.

მათივე ინფორმაციით, ევროკომისია ასევე გამოყოფს დამატებით €400 000 ჰუმანიტარული დახმარების დასაფინანსებლად ყველაზე დაზარალებული ოჯახებისთვის. ეს ფონდი განკუთვნილია წითელი ჯვარის და სხვა არასამთავრობო ორგანიზაციების მეშვეობით დაზარალებული მოსახლეობის ჰუმანიტარული ტვირთით   და საყოფაცხოვრებო ნივთებით მომარაგებისთვის.  

ევროპული სამეზობლო პოლიტიკისა და გაწევრიანების თაობაზე მოლაპარაკებების საკითხებში ევროკომისარის  იოჰანეს ჰანის განცხადებით, ევროკავშირი გვერდში უდგას ქართველ ხალხს და მზად არის დაეხმაროს თბილისის დაზარალებულ ოჯახებს საცხოვრებელი სახლების აშენებასა და ცხოვრების ჩვეულ რეჟიმში დასაბრუნებლად.

„ეს კონტრიბუცია ჩვენი სოლიდარობის ნიშანია მათთვის ვინც დაზარალდა ამ კატასტროფით“, -აცხადებს ჰანი.

ჰუმანიტარულ საკითებში ევროკომისარი ქრისტოს სტილიანიდასის განცხადებით,  წყალდიდობამ თბილისის მრავალი ოჯახი დააზარალა. ეს ჰუმანიტარული დახმარება მათ პირველადი საჭიროებისთვის არის განკუთვნილი და მათ ამ განგაშის პერიოდის გადალახვაში დაეხმარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პსპ ფარმა თბილისის მუნიციპალიტეტის ბენეფიციარებს მედიკამენტებს კვირის ნებისმიერ დღეს ფასდაკლების დღეების ფასად მიაწვდის

18 ევროპარლამენტარი EU-ს მიმართავს, შეაფასონ იმედის საქმიანობა, განსაზღვრონ შესაძლო ზომები

დრონებმა რუსეთის ერთ-ერთ უდიდეს ნავთობგადამამუშავებელი ქარხანა დაბომბეს

პაპუაშვილი ფიშერზე: მისთვის დამახასიათებელი იქედნური ტონით ისაუბრა დიფ სთეითზე, დაგვცინის