2019-01-15 12:40:04, 1673 ნახვა

---

მაჩალიკაშვილის დედა: ვითხოვ დამტკიცდეს თემირლანის უდანაშაულობა - მტკიცებულებების გარეშე ტერორისტებთან დააკავშირეს

პანკისის ხეობაში ჩატარებული სპეცოპერაციის დროს მოკლული თემირლან მაჩალიკაშვილის ოჯახი ითხოვს მათი შვილის უდანაშაულობა დამტკიცდეს. 

როგორც მაჩალიკაშვილის დედამ, მედიკო მარგოშვილმა აღნიშნა, სახელმწიფო უსაფრთხოების სამსახურმა მისი შვილი ტერორიზმში მტკიცებულებების გარეშე დაადანაშაულა. 

"ტერორისტებთან დააკავშირეს ჩემი შვილი მტკიცებულებების გარეშე. თუ სწამთ ღმერთი და ადამიანობის ერთი პროცენტი თუ შერჩენიათ, ეყოთ ამდენი უსამართლობა, ამდენი არაადამიანური ბრალდება და ცილისწამება. ღმერთის წყალობით, მგონი გავიმარჯვებთ და თემირლანის უდანაშაულობა დამტკიცდება", - განაცხადა მარგოშვილმა.

ცნობისთვის, თბილისის საქალაქო სასამართლო სახელმწიფო უსაფრთოხების სამსახურის წინააღმდეგ თემირლან მაჩალიკაშვილის ოჯახის, სარჩელს განიხილავს.

---

ავტორი: ,

---

დღის თემა

მთავარი თემა

ინტერვიუ - ექსკლუზივი