კანადა, ურუგვაის შემდეგ, მსოფლიოში მეორე ქვეყანაა, სადაც კანაფის მოხმარება-გაყიდვა ლეგალური გახდა, - ამის შესახებ BBC იუწყება.

მედია საშუალების ინფორმაციით, დღეიდან კანადის ყველა მოქალაქეს, რომელმაც 18 წელს მიაღწია, უფლება აქვს მარიხუანა შეიძინოს, გაყიდოს, შეინახოს და სახლში მოიყვანოს. ამავე კანონის თანახმად, მარიხუანის შენახვა შეზღუდული რაოდენობით უნდა მოხდეს. კერძოდ, ლეგალურად ითვლება 30 გრამამდე მარიხუანის შენახვა და მაქსიმუმ 4 მცენარის მოყვანა.

მედიის ცნობით, კანონპროექტის მიღებას მხარი 52 სენატორმა დაუჭირა, 29 კი, წინააღმდეგი იყო. ახალი კანონით, კანადაში მარიხუანის გაყიდვა დაიწყება გარდამავალი პერიოდის შემდეგ, რომელიც 8-დან 12 კვირამდე გასტანს.

დაპირება კანადელებს 2015 წელს, ქვეყნის ამჟამინდელი პრემიერ-მინისტრის, ჯასტინ ტრუდოს პარტიამ არჩევნებში გამარჯვებისას მისცა. ტრუდო მიიჩნევს, რომ ეს ნაბიჯი ქვეყანას მარიხუანის წარმოებისა და მოხმარების უკეთ კონტროლში დაეხმარება.

კანონის კრიტიკოსები აცხადებენ, რომ პოლიცია არ არის მზად, იმისთვის რომ, მომრავლებული ნარკომომხმარებლები შეაკავოს. მათივე  მტკიცებით, ახალი ვითარება შავ ბაზარს გაუტოლდება. სტატისტიკის თანახმად, კანადაში მარიხუანის მომხმარებლების ყველაზე დიდი რაოდენობაა. 2017 წელს კანადელმა ახალგაზრდებმა ნარკოტიკებში 4.6 მილიარდი დოლარი დახარჯეს.

კანადაში მარიხუანის შენახვა 1923 წელს აიკრძალა, 2001 წელს კი, მისი სამედიცინო მიზნებით გამოყენება ლეგალური გახდა. ურუგვაიში კანაფის სრული მოხმარება 2013 წელს დაკანონდა.

ცნობისთვის, მარიხუანის სამედიცინო მიზნებისთვის გამოყენება აშშ-ის ბევრ შტატში, გერმანიაში, იტალიასა და ნიდერლანდებში ლეგალურია.

ავტორი: ,

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება