ხრეშს დავყრით, ასფალტი ძვირია - სამხედრო დასახლებაში გზა არ აქვთ

2018-10-07 12:18:21, 5685 ნახვა

სხვადასხვა

ხრეშს დავყრით, ასფალტი ძვირია - სამხედრო დასახლებაში გზა არ აქვთ - ფოტო

თბილისში, სამხედრო დასახლებაში აბაშვილის ქუჩაზე, სადაც თავდაცვის სამინისტროს შეიარაღებული ძალების გმირების ოჯახები ცხოვრობენ, რამდენიმე წელია გზა არ აქვთ.
რამდენიმე წელია, სამხედრო დასახლებაში კორპუსები ერთმანეთს ორღობის მსგავსი გზით უკავშირდება. ორი დღის წინ ამ გზებზე თავდაცვის სამინისტრო, მერიასთან ერთად ქვა-ღორღს დაყარა.
"ექსპრესნუსთან" ერთ-ერთი მაცხოვრებელი ამბობს, რომ 2 წლის წინ თავდაცვის სამინისტრომ მოსახლეობას პირობა მისცა, რომ გზას გააკეთებდა.

"ასე "შეაკეთეს" ორი წლის წინ შეპირებული გზა სამხედრო დასახლებაში აბაშვილის ქუჩაზე. ასფალტი ძვირია და ხრეშს დავყრითო, გვითხრეს. თიმცა, იმფრასტრუქტურია არასპეციალისტი ადვილად მიხვდება, რომ აღმართ-დაღმართზე ხრეშია გზა არ იგება, რადგან მუდმივი დამუხრუჭების გამო, ხრეში ტალღებად გროვდება და სრულიად გაუვალი ხდება. მანქანების გამართულობა ასეთ " გზებზე" გავლის შემდეგ იქით იყოს, და ქვეითებისთვის საშიშია ასეთ გზასთან მიახლოვება, რადგან მანქანების ბორბლებიდან ქვები აქეთ-იქით ცვივა. სანამ უბედურება დატრიალდება და ქვა დიდსა თუ პატარას მოხვდება, გთხოვთ, სასწრაფოდ დააგოთ", - ამბობენ ადგილობრივი მაცხოვრებლები.

"ექსპრესნიუსი" კომენტარს თბილისის მერიისგან ელოდება.