საქართველოს თავდაცვის მინისტრმა მედიის წარმომადგენლებთან განმარტება გააკეთა სახელმწიფო აუდიტის დასკვნის შესახებ, სადაც თავდაცვის უწყების წარმომადგენლობითი ხარჯების ზრდაზეა საუბარი.

ლევან იზორიას განცხადებით, წარმომადგენლობითი ხარჯების ზრდა მნიშვნელოვანი ღონისძიებების დაფინანსებამ განაპირობა.

 “მინდა საზოგადოებას მივაწოდო ინფორმაცია, რომ ხარჯების მატება გარკვეულმა ობიექტურმა გარემოებებმა განაპირობა. 2017 წელს ჩვენ მნიშვნელოვანი ღონისძიებები გვქონდა - გამოვყოფდი ნატოს სამხედრო კომიტეტის ვიზიტს, რომლის ჯამურმა ღირებულებამ დაახლოებით 400 000 ლარი შეადგინა. ამავე წელს პირველად ჩატარდა სამხრეთ-აღმოსავლეთის თავდაცვის მინისტერიალი (SEDM), რაც ასევე, დიდ თანხებთან იყო დაკავშირებული. ამან ჯამურად მოგვცა სწორედ ის განსხვავება, რაც 2016 წლის ბიუჯეტით იყო წარმომადგენლობითი ხარჯებისთვის განსაზღვრული", - განაცხადა მინისტრმა. 

თავდაცვის მინისტრის განცხადებით, მსგავსი ღონისძიებების დაფინანსება, ქვეყნის ინტერესებიდან გამომდინარე, მნიშვნელოვანია და მომავალშიც გაგრძელდება.

„ხარჯების ზრდა ობიექტური გარემოებებითაა განპირობებული და ამას წლევანდელი წარმომადგენლობითი ხარჯებიც მოწმობს, რომელიც 10 თვის მონაცემებით გაცილებით ნაკლებია, ვიდრე შარშან იყო და იქნება გაცილებით ნაკლები ჯამურად, ვიდრე 2017 წელს იყო. თუ დააკვირდებით გასული 8 წლის წარმომადგენლობით ხარჯებს, ნახავთ, რომ დინამიკა არის ძალიან განსხვავებული და ეს განსხვავება განპირობებულია მნიშვნელოვანი ღონისძიებების დაფინანსებით“ - აღნიშნა ლევან იზორიამ.

(NS)

ავტორი: ,

სოციალური ქსელები

SOLO და თბილისი ჰილსი ბავშვთა დღეს განსაკუთრებული ღონისძიებებით აღნიშნავენ

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა