„ვთხოვ ყველა პოლიტიკურ ლიდერს, დაგვიდექით ყველა გვერდით, რათა ეს მარაზმი კობახიძეები დავასრულოთ ამ ქვეყანაში“, - ამის შესახებ ხორავას ქუჩაზე მოკლული დავით სარალიძის მამამ, ზაზა სარალიძემ პარლამენტთან გამართულ საგანგებო ბრიფინგზე განაცხადა.

როგორც სარალიძემ აღნიშნა, ცდილობდა აქცია აპოლიტიკური ყოფილიყო, თუმცა ხელისუფლებამ ამის საშუალება არ მისცა.

„მთელი ცხრა თვის განმავლობაში ერთი და იგივე მესმის, რომ პოლიტიკურად მართულია ზაზა სარალიძე და მალხაზ მაჩალიკაშვილი. დღემდე ვცდილობდი, აპოლიტიკური ყოფილიყო ეს აქციები, მაგრამ მთელმა ხელისუფლებამ თავად გადაიტანა პოლიტიკურად ეს და გვდევნიან. პოლიტიკამ მოუკლა მალხაზ მაჩალიკაშვილს შვილი, პოლიტიკოსები აფარებენ ჩემი შვილის მკვლელებს ხელს. მე ვთხოვ ყველა პოლიტიკურ ლიდერს, მოვიდნენ და დაგვიდგნენ გვერდით, იმიტომ რომ ეს მკვლელები უნდა მოვაშოროთ ამ ქვეყანას. გთხოვთ, როგორც შვილმოკლული მამა, დაგვიდექით ყველა გვერდით, რათა ეს მარაზმი კობახიძეები დავასრულოთ ამ ქვეყანაში“, - განაცხადა ზაზა სარალიძემ.

ცნობისთვის, პარლამენტთან გამართულ ბრიფინგაზე, „ქარონიკა+“-ის რედაქტორმა ელისო კილაძემ განაცხადა, რომ ზაზა სარალიძის და მალხაზ მაჩალიკაშვილის აქცია პოლიტიკური ხდება. მან პოლიტიკურ პარტიებს პარლამენტთან მისვლისკენ და მხარდაჭერისკენ მოუწოდა.

ავტორი: ,

სოციალური ქსელები

SOLO და თბილისი ჰილსი ბავშვთა დღეს განსაკუთრებული ღონისძიებებით აღნიშნავენ

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა