ივანე მაჭავარიანი იაპონიის საერთაშორისო თანამშრომლობის სააგენტოს ვიცე-პრეზიდენტს შეხვდა

2018-09-04 21:12:28, 1490 ნახვა

ეკონომიკა

ფინანსთა მინისტრი ივანე მაჭავარიანი იაპონიის საერთაშორისო თანამშრომლობის სააგენტოს (JICA) ვიცე-პრეზიდენტს, ნორიკო სუზუკის შეხვდა. მხარეებმა იაპონიის საერთაშორისო თანამშრომლობის სააგენტოს მიერ საქართველოში მიმდინარე და სამომავლო თანამშრომლობის პროექტები განიხილეს.

ფინანსთა მინისტრმა სტუმარს მადლობა გადაუხადა იმ მხარდაჭერისთვის, რომელსაც იაპონიის მთავრობა JICA-ს სასესხო ინსტრუმენტების საშუალებით უწევს საქართველოს პრიორიტეტული სფეროების დაფინანსების კუთხით.

განსაკუთრებით აღინიშნა ინფრასტრუქტურის სექტორში იაპონიის მთავრობის მიერ განხორციელებული და სამომავლოდ დაგეგმილი პროექტები, რომელთა მიზანია, ქვეყნის კონკურენტუნარიანობისა და სატრანზიტო პოტენციალის გაზრდა.

შეხვედრაზე, ასევე, მაღალი შეფასება მიეცა იაპონიის მთავრობის „კავკასიის ინიციატივას", რომელიც ხელს უწყობს ორ ქვეყანას შორის როგორც სავაჭრო-ეკონომიკური, ისე საგანმანათლებლო და ტურისტული სექტორების განვითარებას. ხაზი გაესვა JICA-ს ადგილობრივი ოფისის მუშაობის მნიშვნელობას აღნიშნული მიმართულებით.

დასასრულ, მხარეებმა გამოთქვეს იმედი, რომ საქართველოსა და იაპონიას შორის გაგრძელდება აქტიური თანამშრომლობა როგორც რეგიონულ, ისე საერთაშორისო დონეზე.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები