სომხეთის ყოფილ პრეზიდენტ რობერტ ქოჩარიანს ორთვიანი წინასწარი პატიმრობა შეეფარდა, - ამის შესახებ Tass იუწყება.

მედია საშუალების ინფორმაციით, ყოფილ პრეზიდენტს კონსტიუციური წყობილების დამხობას ედავებიან. მას 15 წლამდე თავისუფლების აღკვეთა ემუქრება.

რობერთ ქოჩარიანი სომხეთის პრეზიდენტის პოსტს 1998-2008 წლებში იკავებდა. მას საპროტესტო აქციის დარბევის საქმეზე ასამართლებენ. მაშინ ერევნის მოსახლეობა საპრეზიდენტო არჩევნების შედეგებსა და პოსტზე სახელისუფლებო კანდიდატის, სერჟ სარქსიანის არჩევას აპროტესტებდა. 2008 წლის აქციების ერთ-ერთი ორგანიზატორი ამჟამინდელი პრემიერ-მინისტრი ნიკოლ ფაშინიანი იყო. აქციების დარბევის დროს 10 ადამიანი დაიღუპა, ხოლო ქოჩარიანმა ქვეყანაში საგანგებო მდგომარეობა გამოაცხადა, რის შემდეგაც აქციები პროტესტის ტალღა შეწყდა.

საბრალდებო დასკვნაში ნათქვამია, რომ რობერტ ქოჩარიანმა, სხვა მაღალჩინოსნებთან შეთანხმებით, დემონსტრაციის დარბევის გადაწყვეტილება მიიღო, რაც გამოძიებამ კონსტიტუციური წყობილების დამხობად შეაფასა.

თავად ქოჩარიანი ბრალდებებს უარყოფს. მისი განცხადებით, აღნიშნული ბრალდებები პოლიტიკურად მოტივირებულია და საქმე არის "შეკერილი".

ავტორი: ,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე