მარიხუანის დეკრიმინალიზაციის მოთხოვნით მთავრობის ადმინისტრაციასთან საპროტესტო აქცია ლოზუნგით „არ დაიჭირო“ იმართება.

საპროტესტო აქციის მონაწილეებს მაისურებზე წარწერები აქვთ დატანილი - „არ დაიჭირო“. ანალოგიური წარწერები ბანერებზეცაა გაკრული.

როგორც აქციის ერთ-ერთმა ორგანიზატორმა, მოძრაობა „2 ივნისის“ წევრმა ტორესა მოსიმ განაცხადა, წლევანდელი სლოგანით მათ პრემიერ-მინისტრს საქმე გაუმარტივეს. მისივე თქმით, ირაკლი ღარიბაშვილს დეკრიმინალიზაცია და ლეგალიზაცია ერთმანეთში აერია.

„წლევანდელი სლოგანი გავამარტივეთ. შარშან ვერ გაიგო პრემიერმა. მას ერთმანეთში აერია დეკრიმინალიზაცია და ლეგალიზაცია. ამიტომ გავუმარტივეთ საქმე და წელს ჩვენი სლოგანია „არ დაიჭირო“. მოთხოვნების არსი უცვლელია. რა თქმა უნდა, ჩვენ მოვითხოვთ მარიხუანის დეკრიმინალიზაციას. არ შეიძლება მარიხუანის მოწევის გამო ადამიანი იჯდეს ციხეში და იხდიდეს სასჯელს“, - განაცხადა ტორესა მოსიმ.

მთავრობის ადმინისტრაციასთან საპროტესტო აქცია ელექტრონული მუსიკის ფონზე მიმდინარეობს. ადგილზე საპატრულო პოლიციის ეკიპაჟია მობილიზებული. აქციაზე ბანერები შემდეგი წარწერებითაც აქვთ მიტანილი - „ჩვენთან არიან შოთა, ვაჟა, ილია, აკაკი და შენ ირაკლი?“, „შარდის საქმეთა სამინისტრო“, „მარიხუნის მოწევა არაა კრიმინალი“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები