2018-07-13 17:38:36, 620 ნახვა

---

პრეზიდენტი: წულუკიანთან დაკავშირებით არასამთავრობო სექტორისა და საზოგადოების დიდი ნაწილის შეშფოთებას ვიზიარებ

თეა წულუკიანთან დაკავშირებით არასამთავრობო სექტორისა და საზოგადოების დიდი ნაწილის შეშფოთებას ვიზიარებ, - ასე გემოეხმაურა პრეზიდენტი გიორგი მარგველაშვილი იუსტიციის მინისტრის პოსტზე კვლავ თეა წულუკიანის წარდგენას.

„მე ფაქტად ვხედავ იმას რომ საქართველოში სასამართლო ხელისუფლება ჩვენი ქვეყნის დემოკრატიული განვითარებისათვის ერთ-ერთი არააქტიურად ჩართული ნაწილია და ბუნებრივია, აქ წვლილი იუსტიციის მინისტრისაც გასააზრებელია. მე მიმაჩნია, რომ იმ სერიოზული უკმაყოფილებების ტალღა, რომელიც სულ რაღაც ერთი თვის წინ იყო რუსთაველზე, ის ტრაგიკული ისტორიები, რომლებსაც ჩვენ ვისმენდით რუსთაველზე, არ იყო მარტო სარალიძის საქმე, ეს იყო ათობით შემაძრწუნებელი საქმე. დაზარალებულს ღამეების თენება არ უნდა სჭირდებოდეს ან პროკურატურასთან ან შინაგან საქმეთა სამინისტროსთან, რომ მიაღწიოს სამართალს. აქედან გამომდინარე, მე ვიზიარებ იმ პოზიციას რომელიც აქვს საზოგადოების იმ სულისკვეთებას, რომ ამ მიმართულებით ბევრად უფრო რადიკალური ნაბიჯები იყო გადასადგამი“, - განაცხადა გიორგი მარგველაშვილმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი