ხორავას ქუჩაზე მოზარდების მკვლელობის საქმის შემსწავლელი პარლამენტის დროებითი საგამოძიებო კომისიის სხდომაზე დღეს 51-ე სკოლის მოსწავლეებს გამოკითხავენ.

როგორც კომისიის თავმჯდომარე სერგი კაპანაძემ აღნიშნა, არასრუწლოვნები გამოძიებასთან თანამშრომლობენ და მათ საინტერესო ინფორმაციებს აწვდიან.

„ეს ადამიანები, რომლებიც დაიკითხებიან არიან  უშუალოდ ინციდენტში მონაწილეები. ისინი არიან  51-ე სკოლის მოსწავლეები, რომლებიც ხორავას ქუჩაზე იმყოფებოდნენ იმ ტრაგედიის დროს. არასრუწლოვნები იძლევიან ინფორმაციას, კიდევ ერთხელ ეს ინფორმაცია რამდენად ახალია და საიმედოა, ეს ყველაფერი შეჯამების შემდეგ უნდა იქნას გაანალიზებული. ისინი გვაწვდიან საკმაოდ საინტერესო ინფორმაციას, მათ შორის ნაწილი ემთხვევა იმას რაც ჩვენებებში იყო მიცემული, ნაწილი არის უფრო მეტად გავრცობილი.  საბოლოო ჯამში ეს გამოკითხვები არის მნიშვნელოვანი იმისთვის, რომ სრული სურათი შეიქმნას კომისიისთვის“, - განაცხადა სერგი კაპანაძემ.

კომისიის წევრის, დიმიტრი ცქიტიშვილის თქმით, მოზარდების ჩვენებების დაზუსტება გამოძიებას რეალური სურათის აღდგენაში დაეხმარება.

„მნიშვნელოვანია კომისიაში სწორად წარიმართოს მუშაობა, გავიგოთ მაქსიმალურად ობიექტური ინფორმაცია, თუ რა მოხდა, როგორ ხდებოდა და როგორ მიმდინარეობდა საგამოძიებო პროცესი. ივლისი და აგვისტოს ნაწილი დაგვჭირდება, რომ სრული სურათი შევქმნათ“, - განაცხადა ცქიტიშვილმა.

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა