ევროპარლამენტმა ევროკავშირთან უვიზო რეჟიმის მქონე ქვეყნების მოქალაქეებისათვის ელექტრონული ფასიანი ავტორიზაციის დაწესებას მხარი დაუჭირა, - ამის შესახებ ინფორმაცია ევროპარლამენტის ვებ-გვერდზეა გამოქვეყნებული.

ევროპის სამგზავრო ინფორმაციისა და ავტორიზაციის სისტემა, იგივე ETIAS-ი 2021 წლიდან ამოქმედდება.

ევროპარლამენტარები მიიჩნევენ, რომ მსგავსი ტიპის შემოწმება ევროკავშირის წევრი ქვეყნებისთის მეტი უსაფრთხოების გარანტი იქნება. ამასთან, მათვე მტკიცებით, ETIAS იქნება ელექტრონული კითხვარი, რომლის შევსება მოქალაქეებს სირთულეს არ შეუქმნის.

აღსანიანვია, რომ მსგავსი ელექტრონული ავტორიზაცია უკვე აპრობირებულია ამერიკის შეერთებულ შტატებში, კანადასა და ავსტრალიაში.

ახალი რეგულაციის თანახმად, ელექტრონული ავტორიზაციის საფასური 7 ევროს შეადგენს და ის მიღებიდან 3 წლის განმავლობაში იქნება მოქმედი. ამასთან, ავტორიზაცია უფასო იქნება 18 წლამდე ასაკისა და 70 წელს გადაცილებული პირებისთვის.

რაც შეეხება აპლიკაციის ფორმას, მოქალაქემ პირადი მონაცემების გარდა (სახელი, გვარი, დაბადების ადგილი და თარიღი, მოქალაქეობა), უნდა მიუთითოს ინფორმაცია ნასამართლეობის შესახებ, ნამყოფია თუ არა ომის ან კონფლიქტის ზონაში და სხვა.

აღნიშნული კენჭისყრის შემდეგ, რეგულაცია კენჭი უნდა უყაროს ევროსაბჭომ, რის შემდეგაც 2021 წლიდან ETIAS-ი ძალაში შევა.

ავტორი: ,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს