თბილისში, გვიან ღამით 16 წლამდე მოზარდი შუშის ნატეხით დაჭრეს.

შემთხვევა ფილარმონიის მიმდებარე ტერიტორიაზე მოხდა. 

არსებული ინფორმაციით, დაჭრას წინ ახალგაზრდებს შორის სიტყვიერი და ფიზიკური დაპირისპირება უძღოდა.

დაშავებული სასწრაფო სამედიცინო დახმარების ეკიპაჟმა ინგოროყვას კლინიკაში გადაიყვანა.

როგორც ინგოროყვას კლინიკის რეანიმაციის ხელმძღვანელი აცხადებს, მოზარდს აღენიშნებოდა ჭრილობა მხრის და ქვედა კიდურის არეში. მისი ჯანმრთელობის მდგომარეობა დამაკმაყოფილებელია და ის მკურნალობას ბავშვთა ქირურგიის განყოფილებაში განაგრძობს.

„შემოსვლისას აღენიშნებოდა ნაკვეთი ჭრილობა მხრის და ქვედა კიდურის მიდამოში. ჩაუტარდა ოპერაციული მკურნალობა, რევიზია, კუნთების და მყესების აღდგენა.   ზოგადი მდგომარეობა დამაკმაყოფილებელია, განაგრძობს მკურნალობას ბავშვთა  ქირურგიის განყოფილებაში", - აცხადებს ინგოროყვას რეანიმაციის ხელმძღვანელი კონსტანტინე მუმლაძე.

როგორც „ექსპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება  სსკ-ის 118-ე მუხლის პირველი ნაწილით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს. უწყების ცნობით, მომხდართან დაკავშირებით ინტენსიური საგამოძიებო მოქმედებები მიმდინარეობს. 

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა