მოსახლეობაში უკვე მუსირებს აზრი, რომ მე-9  მოწვევის საქართველოს პარლამენტი,ოკუპირებულია ბოკერიას ჯგუფის მიერ- ამის შესახებ „პატრიოტთა ალიანსის“ წევრმა ემზარ კვიციანმა პარლამენტის პლენარულ სხდომაზე განაცხადა.
 
მისი თქმით,  „პატრიოტთა ალიანსი“ მოზარდები მკვლელობის შემსწავლელ, საპარლამენტო დროებით კომისიას, სწორედ ბოკერიას გამო უცხადებს. 

„მე-9 მოწვევის პარლამენტში ყველა სტრატეგიული გადაწყვეტილების მიღება ბოკერიას ჯგუფის მიერ ხდება.   საქართველოს პარლამენტი, რომ სწორედ ამ ჯგუფის მიერ არის ოკუპირებული, იმ საგამოძიებო კომისიის ჯგუფის შექმნაც მეტყველებს,  სადაც მაწამებელმა ბოკერიამ თურმა სამართალი უნდა აღადგინოს.  ჩვენ საქართველოს პატრიოტები,  ვუთანაგრძნობთ შვილმოკლულ მამებს. თანამოზიარენი ვართ მათი მწუხარების. ვითხოვთ, რომ გამოძიება ჩატარდეს მაღალ დონეზე.  სამართლიანად ჩაატაროს ეს გამოძიება არა სულხან მოლაშვილის მწამებელმა ბოკერიამ, არამედ ობიექტურმა ხალხმა.  ჩვენ ვამბობთ რომ სააკაშვილის რეჟიმის დროს მოკლული, რეპრესირებული, ქონებაწართმეული, დაინვალიდებული და ათასობით ადამიანის გრძნობის შეურაცხყოფაა, როცა სულხან მოლაშვილის მწამებელი, ციხის ბუნტის ორგანიზატორი, ეკლესიის დამარბეველ- დამანგრეველი. 7 ნოემბრის, 26 მაისის დამარბეველი, კოდორის ხეობის ჩამბარებელი ბოკერია და მისი გუნდი დღეს დომინანტ ძალად არის წარმოდგენილი საგამოძიებო კომისიაში.  ჩვენ უნდობლობას ვუცხადებთ ამ კომისიას, სწორედ ბოკერიას ფაქტროის გამო“,- განაცხადა კვიციანმა. 
 
კვიციანმა, პროკურატურას მიმართა, რათა არ ითანამშრომლონ აღნიშნულ საგამოძიებო  კომისიასთან.

მისივე თქმით, ის მზად არის სადეპუტატო მანდატი მოიხსნას, თუ ამას ბოკერიაც გააკეთებს, რათა კოდორის ხეობასთან დაკავშირებით საქმის გამოძიება დაიწყოს. 

„ჩვენ მივმართავთ პროკურატურის წარმომადგენლებს, არ ითანამშრომლონ  ხსენებულ კომისიას და უარი განაცხადონ ჩვენების მიცემაზე. ყოველი მათგანი, იგივე ჩვენებას მიცემს გახარიას უწყებას.  ჩვენ საქართველოს პატრიოტები, ვაგრძელებთ უკომპრომისო ბრძოლას ქვეყანაში სამართლიანობის აღსადგენად.  ჩვენ მოვითხოვთ საქართველოს მთავრობის უმაღლესმა წარმომადგენლობამ  საზოგადოებას საჯაროდ მისცენ პირობა, რომ რეალურად დაიწყება თაროზე სემოდებული  საქმეების გამოძიება.  გაცოცხლდება ბოკერიასთან დაკავშირებული საქმეების საფუძვლიანი გამოძიება. ციხის ბუნტის, მოლაშვილის წამების, უშიშროების საბჭოს ბიუჯეტის გაფლანგვის და რაც მტავარია კოდორის ხეობის ჩაბარების. ბოლომდე მივა, გიორგი გამცემლიძის, ბუტა რობაქიძის მკვლელობის საქმეები. მე პარლამენტის წევრი ემზარ კვიციანი, მზად ვარ მოვიხსა სადეპუტატო იმუნიტეტი , თუ ბოკერია მოიხსნის იმუნიტეტს და დაიწყება მის მიმართ ჩადენილი დანაშაულებების გამოძიება.  რადგან ვიყოთ თანაბარ პირობებში. მე როგორც მოწმე და ის როგორც ბრალდებული.  საქართველოს პატრიოტები დღეიდან ვაცხადებთ,  მხარდამჭერთა სრულ მობილიზაციას, რათა მშვიდობიანი, დემოკრატიული, მაგრამ უკომპრომისო გზენით ვაიძულოთ ხელისუფლება დაიწყოს მისი მტავარი დაპირების აღსურლება - დამნაშავეების მხილება და დასჯა, სამართლიანობის აღდგენა“,- აღნიშნა ემზარ კვიციანმა. 

ავტორი: ,

სოციალური ქსელები

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი

პაპუაშვილი: ზოგიერთს დღესაც სურს, არ ვიდგეთ ფეხზე, მათ წესებს მივყვეთ, საკუთარზე უარი ვთქვათ