დღეს, 14:00 საათზე, საქართველოს ყველა მოქალაქეს, ვისაც გული შესტკივა დაღუპული შვილების მშობლებზე, ველოდები რუსთაველზე- ამის შესახებ,  ხორავას ქუჩაზე მოკლული მოზარდის მამამ, ზაზა სარალიძემ რუსთაველის გამზირზე მიმდინარე აქციაზე განაცხადა.

სარალიძე, ზვიად კუპრავას დაკავებასაც გამოეხმაურა და მისი დაუყონებლივ გათავისუფლება მოითხოვა.

„მოვუწოდებ მთელს საქართველოს, ყველა პოლიტიკურ პარტიას და ამასთან ერთად მმართველ გუნდსაც, გამოვიდნენ აქ და ერთად ვიბრძოლოთ სამართლიანობის აღდგენისთვის. რაც შეეხება იმ ბიჭებს ვინც დააკავეს, დაუყოვნებლივ დააბრუნონ თავიანთ ადგილებზე. დღეს ძალიან მნიშვნელოვან რაღაცას ვგეგმავდით მე და ზვიად კუპრავა. როგორც კი ბანკები გაიხსნებოდა და მაგის გარეშე ვერანაირად ვერ გავაკეთებ, ვაპირებდით ბავშვისთვის თანხის გადარიცხვას, ჩემი შვილის სახელით იყო ფონდი შექმნილი, მაგრამ ვერ მოვასწარით ფონდის გახსნა და ზვიადის ორგანიზაციის ანგარიშზე ირიცხებოდა, გვქონდა დაგეგმილი, რომ ანანო ბერიძისთვის გადაგვერიცხა ეს თანხა. რომელიც სასწრაფო საოპერაციოა, დააბრუნონ სასწრაფოდ კუპრავა უკან, რათა მოვახერხოთ ელემენტარული მარტო ამ ბავშვისთვის თანხის გადარიცხვა, რომ ოპერაცია გაუკეთონ,“-განაცხადა სარალიძემ.

ზვიად კუპრავა და აქციის კიდევ სამი მონაწილე დღეს დილით დააკავეს. შსს-ს ინფორმაციით, ისინი წვრილმანი ხულიგნობისა და დაუმორჩილებლობის ფაქტზე არიან დაკავებულნი.

ავტორი: ,

სოციალური ქსელები

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი

პაპუაშვილი: ზოგიერთს დღესაც სურს, არ ვიდგეთ ფეხზე, მათ წესებს მივყვეთ, საკუთარზე უარი ვთქვათ

კობახიძე: დღეს საქართველო არის დამოუკიდებელი და სუვერენული, როგორც არასდროს