თემქაზე 21 წლის ანა ნაცვლიშვილის მკვლელობაში ბრალდებული ლადო გრიგალაშვილი სასამართლომ პატიმრობაში დატოვა.

ადვოკატი ბრალდებულის 2000-იანი გირაოს სანაცვლოდ გათავისუფლებას ითხოვდა, თუმცა შუამდგომლობა არ დაკმაყოფილდა.

დაცვის მხარე ბრალდებულისთვის აღკვეთის ღონისძიების შეცვლის საფუძვლად იმ საფრთხეების არარსებობას ასახელებდა, რომელიც მკაცრი აღკვეთის ღონისძიების გამოყენებას ედება საფუძვლად. ადვოკატის თქმით, არ არსებობს გრიგალაშვილის არც მიმალვის და  არც მოწმეებზე ზემოქმედების და არც ახალი დანაშაულის ჩადენის საფრთხეები. აღსანიშნავია, რომ გრიგალაშვილი ბრალს არ აღიარებს.

გარდა ამისა, დღეს ცნობილი გახდა, რომ გრიგალაშვილს სხვა დანაშაულზეც ედავებიან. გამოძიების ვერსიით, ის ერთ-ერთ გოგონას პირადი ცხოვრების ამსახველი მასალის გასაჯაროებით ემუქრებოდა.

„გამოძალვის ნაწილში ვგულისხმობთ პირადი ცხოვრების ამსახველი მასალების გახმაურების მოტივით, ფულადი თანხის გამოძალვას", - განაცხადა პროკურორმა გრიგოლ ბიბილაშვილმა. აღნიშნული ბრალდებები ანა ნაცვლიშვილს არ უკავშირდება.

საქმეზე მომდევნო სხდომა 4 ივნისს, 11:00 საათზე ჩატარდება.

ავტორი: ,

სოციალური ქსელები

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს

ალიანსი: გორში მომხდარი ქართული ოცნების ძალადობრივი სისტემის მორიგი სასტიკი დანაშაულია