„იმედი მაქვს, რომ იუსტიციის სამინისტრო გააკეთებს მაქსიმუმს, რომ ისტორიული სიმართლე აღდგეს“, - ამის შესახებ „ევროპული საქართველოს“ ერთ-ერთმა ლიდერმა დავით ბაქრაძემ სტრასბურგის სასამართლოში საქართველოს სარჩელთან დაკავშირებით განაცხადა.

როგორც მან აღნიშნა, საქართველოს წარმატების შანსი სასამართლოში ძალიან მაღალია.

„იმის გათვალისწინებით, რომ საქართველო ისტორიის წინაშე სრულიად მართალია და ჩვენ ვართ ცალსახად რუსული აგრესიის მსხვერპლი. იმ ტენდენციის გათვალისწინებით, რომელიც დღეს ევროპაში რუსეთთან მიმართებაში არსებობს და არავის ეჭვი აღარ ეპარება რუსეთის აგრესიულ პოლიტიკაში, საქართველოს წარმატების შანსი სასამართლოში არის ძალიან მაღალი. ერთადერთი, რამაც შეიძლება ხელი შეუშალოს ეს არის ისევ დღევანდელი ხელისუფლების არაერთგზის გაკეთებული განცხადებები, რომ ომის დაწყებაში საქართველოს ბრალეულობაც არის. იმედი მაქვს, რომ ეს განცხადებები ვერ შეცვლის მთლიან სურათს და იმედი მაქვს, რომ ამ განხილვის ფონზე მაინც ხელისუფლება და პირველ რიგში იუსტიციის სამინისტრო გააკეთებს მაქსიმუმს, რომ ისტორიული სიმართლე აღდგეს და ევროპის სასამართლომ მიიღოს ის გადაწყვეტილება, რომელიც შეესაბამება ისტორიულ სიმართლეს“, - განაცხადა დავით ბაქრაძემ.

ავტორი: ,

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა