2018-05-08 13:03:29, 1362 ნახვა

---

ტატუნაშვილის ადვოკატი: 2 თვეზე მეტია ტარდება ექსპერტიზა და ოჯახს შედეგებთან დაკავშირებით ინფორმაცია არ აქვს

„ადამიანის უფლებათა ცენტრი" ხელისუფლებას არჩილ ტატუნაშვილის საქმის გამოძიების მიზნით საერთაშორისო მექანიზმების ამოქმედებისკენ მოუწოდებს.

როგორც ორგანიზაციაში აცხადებენ, ევროსასამართლოში  სარჩელის გაგზავნა ჭიანურდება.

ამასთან ”ადამიანის უფლებათა ცენტრის” აღმასრულებელი დირექტორის მოადგილე თამარ ავალიანი აცხადებს, რომ ოჯახს პრეტენზია ექპერტიზის მიმდინარეობასთანაც აქვს.

„სამხარაულის ეროვნული ბიურო ორ თვეზე მეტია აწარმოებს ექსპერტიზას და ოჯახს არ აქვს ინფორმაცია მის შედეგებთან დაკავშირებით. გამოძიების მასალებს როცა გავეცანით იქ იყო სამხარაულის ექსპერტიზის წერილი, რომელიც გამოძიებას სთხოვს, რომ გადასცეს ბიუროს არჩილ ტატუნაშვილის შინაგანი ორგანოები. როგორც მოგეხსენებათ, არჩილ ტატუნაშვილის ცხედარს შინაგანი ორგანოები ამოცლილი ჰქონდა. ყველაზე დიდი პრობლემა საქართველოს ხელისუფლების არის ის, რომ არჩილ ტატუნაშვილის ოჯახმა და მეც როგორც მისი ოჯახის დამცველმა მედიისგან შევიტყვეთ, რომ არჩილ ტატუნაშვილის ცხედარს არ ჰქონდა შინაგანი ორგანოები“, - განაცხადა თამარ ავალიანმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი